LlGC Llsgr. Peniarth 45 – tudalen 172
Brut y Brenhinoedd
172
kynnullaỽ llu a oruc ynteu a|dyuot yn|y
herbyn. Ac gỽedy gỽybot o·honaỽ ystyr y
neges. Sef a wnaeth ef chwerthin a dywe+
dut yỽ gedymdeithon yn|y wed hon. Nyt
ryued genhyf|i gallu o kenedyl lesc an+
reithaỽ ynys. prydein. rac eu hynuyttet. Ca+
nys pỽy a|gingleu* eiroet y ryỽ ynuydrỽyd
hỽn Pa achos y bei well mein iwerdon no
rei ynys. prydein. pan delhynt y kymell gwyr iwe+
rdon y ymlad ac wynt. achos y kerric hynny. ~
Gwisgỽch ymdanoch ac ymledỽch dros aỽch
gỽlat a|chor y keỽri. Canys a miui yn uyỽ ny
chaffant hỽy un greynyn o·nadunt. A phan
welas uthur pendragon y gỽydyl yn paraỽt y
ymlad ac wynt. Eu kyrchu a|oruc udunt
yn diannot ynyd oedynt paraỽt y uydinoed. ~
a|heb gohir y goruu y bryttaneit. Ac gỽedy
llad y gỽydyl a|e briwaỽ. kymell gillamỽri
ar ffo. Ac gỽedy goruot ar y gỽydyl. yd aeth+
ant hyt y mynyd kilara lle yd oed y me+
in yr dothoedynt eu keissaỽ. Ac gỽe+
dy dyuot merdin a phaỽb y gyt y dywaỽt
vrthunt yn|y wed hon. ha|wyrda heb ef ar+
uerỽch weithon oc aỽch nerthoed ach kryf+
der. A cheissỽch diot y mein. Ac Odyna syll+
ỽch beth oreu a|e nerth. A|e ethrylith. Ac
yna yd|ymranassant trỽy arch merdin. Ac
| « p 171 | p 173 » |