LlGC Llsgr. Peniarth 45 – tudalen 194
Brut y Brenhinoedd
194
golaeth honno chynt. Ac o|r achos
honno glewach oed eu gelynyon yn
ryuelu o bob fford trỽy eu gnotae+
dic urat y geissaỽ goresgyn. ynys. prydein.
ac y distryỽ. ac o bob ford medylyaỽ
a|wnaethant wneuthur brat y brenin. ~ ~ ~
a|hynny trỽy wenỽyn. Ac sef a wna+
ethant anuon kennadeu hyt uerolan
yn rith ychenogyon yr dinas yd oed y
brenin. yn claf. vrth vybot ansaỽd y llys.
ac gỽedy eu dyuot hyt yno. a gỽybot
anssaỽd y llys. wynt welssant yno fy+
nnaỽn gloyỽ eglur. Ac o|r dỽuỽr hỽnnỽ
y gnottaei y brenin. yuet. pryt na allei
yuet dim arall. Ac gwedy cael o|r brat+
wyr hynny. llenwi a|wnaethant kylch
glanneu y ffynnaỽn o wenỽyn megys
y bei gwenỽynic a|retei o·honi o dỽuỽr.
Ac gỽedy yuet o|r brenin. y dỽr gwenỽynic
hỽnnỽ. o bryssedic angheu y bu uarỽ.
A mỽ* no chant o dynyon a lewas y dỽr
a uuant ueirỽ. AC gỽedy gỽybot o|r
bryttanneit y tỽyll hỽnnỽ. llewi a wna+
ethant y fynnaỽn o|r dayar a gỽneuthur
cruc maỽr ar y gwarthaf. Ac gỽedy
honni marwolaeth y brenhin. ymgynnu+
| « p 193 | p 195 » |