LlGC Llsgr. Peniarth 45 – tudalen 67
Brut y Brenhinoedd
67
A chan wynt tymhestlaỽn. hỽylyaỽ yny
doethant traeth moryan yr tir. Ac odyna
yd aeth hyt kastell odnea yr hỽn ar wna+
thoed kyn no hynny pan aeth ynys pryde+
in. rac ouyn ymchoelut y freinc arnaỽ o
delhei ar fo o ynys prydein. mal yd|ymchoelyssynt
gynt. Ac ỽrth hynny yr wnathoed ynteu
y castell hỽnnỽ ar glan y mor mal na allit
y ludyas idaỽ pan delhei y ar y mor. ~ ~ ~
AC gỽedy caffel o caswallaỽn yr eilweith
y uudugolyaeth. Diruaỽr lewenyd a
gymyrth a gossot gwys dros ỽyneb ynys.
prydein. Ac erchi yr ieirll a|barỽneit ar mar+
chogyon urdaỽl dyuot wynt ac eu gỽraged
hyt yn llundein y wneuthur aberth a moly+
ant yỽ tatolyon dỽyeu. trỽy y rei y keỽss+
ynt wynteu uudugolaeth dỽyweith ar
amheraỽdyr ruuein. Ac y wneuthur gỽyl+
ua anrydedus udunt wynteu. Ac gỽedy dy+
uot paỽb ỽrth y dyuyn hỽnnỽ. Pob kyfry+
ỽ anyueil a|ducpỽyt yno. ỽrth eu haberthu
mal yd oed deuaỽt yr amser hỽnnỽ. Ac y+
na y llas deugein mil o warthec. A chan mil
o deueit. Ac o amryỽ genedloed o adar y sa+
ỽl ny ellit eu rif. A deng mil ar|ugeint o am+
ryỽ
| « p 66 | p 68 » |