LlGC Llsgr. Peniarth 46 – tudalen 239
Brut y Brenhinoedd
239
nỽyr ef y|cỽpleit y|neges honno. ~
A C yn|yr amser hỽnnỽ yd oed gil+
lamỽri yn urenhin ar iỽerdon
gỽr anryued y|glot a|e uolyant. a|ph+
an gigleu ef dyuot y|bryttannyeit
y|ỽlat ef kynnullaỽ llu maỽr a oruc
a|dyuot yn eu herbyn. a gỽyedy gỽy+
bot ohonaỽ ystyr eu neges. Sef a|ỽn+
aeth ef chỽerthin. a|dyỽedut y|getym+
deithon. ual hynn. nyt ryued genn+
hyf|i gallu o genedyl lesc anreithaỽ
.ynys. prydein. rac y hynuyttet. Canys pỽy a
gigleu eiroet y|ryỽ yn·uydrỽyd hỽnn
pa achos y bei ỽell mein iỽerdon no me ̷+
in ynys. prydein. pan delhynt y gymell kenedl
iỽerdon y|ymlad ac ỽy o|achos y ker+
ryc hynny. Gỽisgỽch ym·danaỽch ac
ymledỽch dros ych gỽlat. a chor y keỽ+
ri. canys a miui yn uyỽ. ny chaffant
un greynyn o·nadunt hỽy. ac yna pann
ỽelas uthur penndragon y|gỽydyl ynn ̷
| « p 238 | p 240 » |