LlGC Llsgr. Peniarth 46 – tudalen 282
Brut y Brenhinoedd
282
ruuein yn trethaỽl idaỽ. a|gỽedy clybot o
ffrollo dyuot arthur y|ffreinc. ac yd oed yn|y
ỽneuthur. kynnullaỽ a|oruc ef holl uarcho+
gyon aruaỽc freinc. a dyuot yn erbyn ar+
thur. ac ny allaỽd seuyll yn|y erbyn. canys
kymeint oed lu arthur rỽg ynys. prydein. a|r yn ̷+
yssoed a|oresgynnassei. ac nat oed haỽd y|rifaỽ.
a|rann oreu o uilỽyr freinc oed ygyt ac ef
heuyt. a gỽedy gỽelet o|ffrollo y|dygỽydaỽ
yn|y rann ỽaethaf o|r ymlad. Sef a|oruc ef
adaỽ y|maes. ac ychydic o|niuer kyrchu pa+
ris. a chynnullaỽ pobyl y|dinas attaỽ ar|hynt
y|gynnal yn erbyn arthur. a|phann yt·doed
ffrollo yn arhos porth attaỽ. nachaf arthur yn
dyuot am benn y gaer. a rannu y|lu a|oruc yg+
kylch y|gaer mal na|cheffynt dyuot ohoni na
mynet ỽrth eu kygor. ac ar benn y|mis. dolur+
yaỽ a|oruc ffrollo o|ỽelet y|bopyl yn mettỽi o
neỽyn. Sef a|ỽnaeth ef anuon at at arthur
y|ouyn idaỽ a|uynei. y|dyuot ell deu y|le ny a+
allei neb canthorthỽy* yr un onadunt mỽy no|e
gilyd. a|r un ohonunt a orffei. kymerei gyf ̷ ̷+
| « p 281 | p 283 » |