LlGC Llsgr. Peniarth 46 – tudalen 297
Brut y Brenhinoedd
297
nys it ydys yn adaỽ blaenỽed anryded am+
herodraeth ruuein. a bryssya ditheu y|gym+
ryt y|peth y|mae duỽ yn|y rodi yt trỽy y|ha+
elder ef. bryssya y|dyrchauel dy|ỽyr. a|theu+
lu y|rei ny ochel eu rodi a|e|haeuetteu y|th
urdassu ti ac y|th dyrchauel. ac yn nerth yr|ne+
ges honno. mi a|rodaf degmil o|ỽyr aruaỽc.
ac odyna y dechreuis araỽn ap kynuarch
dyỽedut ual hynn. Er pann dechreuis uy
arglỽyd i ryuelu y|uedỽl. a|e darpar. kyme+
int o|leỽenyd a|ysgynnỽys ynof. ac na|all+
af y|uenegi ar uyn tauot. Canyt oed dim
genhym goresgynn y|saỽl teyrnas a oresgyn+
nassem gann dianc ruuein. a germania hep
y hestỽg. ac heb dial arnunt y|saỽl aruaeu
a|ỽnaethant oc yn ryeni ni. a chann ydys
yn darogan bot kyuranc yrom. diruaỽr le+
ỽenyd ysyd ynof am hỽnnỽ. a chymeint yỽ
arnaf sychet eu gỽaet. a chet bydỽn hep di+
aỽt teir nos. a|thri dieu. ac yn gỽelet ffyn ̷+
naỽn eglur ger uym bronn. arglỽyd hep
ef gỽynn y|uyt a|arhoei dyd y|ymgyuaruot
| « p 296 | p 298 » |