LlGC Llsgr. Peniarth 46 – tudalen 338
Brut y Brenhinoedd
338
A |Gỽedy marỽ catuan. ac edelflet.
dyuot a|ỽnaeth y|gỽeisson y ynys.
.prydein. a gỽedy kymryt o|bop vn onadunt.
lyỽodraeth y dat. y caryat a|uuassei rỽg
eu tateu ỽynt a|e kynnalassant. ac ym+
penn y dỽy ulyned ỽedy hynny yd erchis
edỽin y catỽallaỽn gannyat y|ỽiscaỽ co+
ron am y penn ynteu o|r|tu draỽ y|humyr
ac y anrydedu gỽylua megys ynteu yn
teu llundein. a|gỽedy gossot oet dadleu
yrydunt o|r achos hỽnnỽ ar lann dulas.
auon yssyd yn|y gogled. a gossot doethon
y doosparth* dadleu. a chatỽallawn o|r neill parth
y|r auon a|e benn ar arffet nei idaỽ yn gor+
ỽed. Sef oed y enỽ breint hir. ac ar hynny
Sef a oruc breint ỽylaỽ yny oed gynn|ỽly+
pet ỽyneb y brenhin. a chet byriyt ffioleit
o|dỽfyr am|y|benn. a|deffroi a oruc catỽallawn.
a|thebygu y|mae caỽat laỽ a dygỽydassei
am|y|benn. a|phann ỽelas ef y|gỽr yn ỽy ̷ ̷+
laỽ. gouyn a|ỽnaeth paham yd ỽylei.
ac yd attebaỽd ynteu ual hynn. arglỽ+
yd hep ef defnyd yỽ ymi ỽylaỽ. ac y|ge ̷ ̷+
| « p 337 | p 339 » |