Rhydychen, Llsgr. Rawlinson B 467 – tudalen 89r
Meddyginiaethau
89r
a|bỽrỽ bỽdẏr o|ẏstor igẏt ac ef a chẏmer mas+
tic a|briỽ ẏn|van a|dot igẏt ac ef ac ẏmmot w+
ẏnt ẏn fest hẏt pan vont teỽ val mel a|cha+
dw hỽnnỽ ẏn|dda. a|phan vo reit dot wrthaỽ
ar glỽtt brethẏn neu ledẏr ac ef a|dynn y|maes
ẏ|dolur a|r|gỽeẏỽẏr. ac ir ef ddỽẏỽeith beu+
nyd a|hỽnnỽ a|ẏ gỽna ẏn iach Rac hỽyd
a vo ar vreich neu ar le araỻ o|gorff dẏn
o|r tẏbẏgẏ iddaỽ gornỽydẏaỽ. Kẏmer linhat
a|briỽ ef a|gỽlẏch ẏchẏdic a|dot igẏt ac ef
wer dafat meỽn padeỻ ar|ẏ|tan hyt pann vo
ẏn vrỽt a|dot meỽn clỽtt ar|ẏ|dolur. a|iach vẏd
Eli da rac bratheu a|chlỽẏfeu. Kẏmer avans.
bugẏl. pigil. cenigẏl. ache llẏsse robert. ver+
vein. llẏsse gỽallter. blodeu ẏr egroes cochẏ+
on. a|mortera bob llẏsseỽẏn e|hunan. a|chẏmer
| « p 88v | p 89v » |