Llsgr. Amwythig 11 – tudalen 60
Pa ddelw y dylai dyn gredu i Dduw
60
drỽy dỽẏll neu gamwed vn pechot Marwol
G ỽedẏ katỽo dẏn ẏ degeir dedẏf reit
ẏỽ ẏdaỽ ẏmgadỽ rac gỽneuthur neu
gẏtsẏnẏaỽ ẏn vn o|r|seith pechaỽt marỽaỽl
A chẏntaf onadunt ẏỽ hỽn Pechaỽt sẏber+
wyt ẏmrẏfygu o dẏn ẏn|ẏ geudaỽt a che+
isaỽ ẏmdrẏchauel ẏn u·ch noc ẏ dẏlẏo
neu ẏmgyuartalu o dẏn ac a|vo uỽch noc ef
neu tremẏgu ẏ gẏstal dẏn neu a uo is
noc ef A cheigeu ẏ pechaỽt hỽnnỽ ẏỽ
anuulltaỽt gỽarthau dẏn neu ẏ tremẏ+
gu gỽneuthur hoffed o grefyd neu o pe+
chaỽt bot ẏn rẏfygu. yr golut bydaỽl
neu voned neu gampeu da a|r kẏffelẏ+
pedigẏon weithredoed Eil Pechawt Marwawl ẏỽ ken+
uigen Sef ẏỽ hẏnnẏ bot ẏn drỽc gan dẏn
gỽelet ẏ gẏmodoc ẏn kẏnnẏdu a|r da
bẏdaỽl neu gampeu da neu creuẏd
neu vot ẏn llaỽen gantaỽ gỽelet gout*
neu drỽc ẏn damweinaỽ idaỽ Trẏdẏd
| « p 59 | digital image | p 61 » |