Breudwd Rhyddiaith Gymraeg 1300-1425
English

Llsgr. Amwythig 11 – tudalen 73

Ysbryd Gwidw

73

kẏfreit eglỽẏs a chỽbẏl ỽrth ẏ diỽed nẏ
ỽnaeth na chỽbyl na digon o benyt dros
ẏ bechodeu canẏs nẏt kẏffes onẏ ỽneir
cỽbẏl o iaỽn dros ẏ camỽeithretoed Ẏ
Prior a ouẏnnaỽd a oes neb ẏ mẏỽn truga+
red ne o vẏỽn barn tragẏỽẏdaỽl ar|hẏnt
gỽedẏ agheu. Gwidw. nẏ mẏn duỽ ẏ mi ỽẏbot
hynny etỽa nẏ dichon neb ỽẏbot ẏ ỽrth
ẏ rei a vo ẏ mẏỽn trugared neu boen
tragỽẏdaỽl onẏt ẏ neb a vei ẏn|ẏ plith
Prior. ẏ proffỽydi a welsant ẏn|ẏ bẏỽẏt
y petheu a delẏnt rac ỽẏneb titheu ẏn
ẏsprẏt pur pẏham na|s gỽelẏ ti. Gwidw. hỽ+
ẏnt a|e gỽelsant o gyfarỽẏdẏt ẏr ẏsprẏt
glan a|r eghẏlẏon a mi agen ỽẏf mẏỽn
poen vel na derỽ vẏg|kỽbẏl purẏo ac
vel nat ẏdiỽ ẏnof i ẏr ẏsprẏt glan o gỽ+
byl na|r gẏffelyp ẏgẏlyon nẏ|s gỽela
Ẏ rei a gẏfarỽẏdaỽd ẏ proffỽẏdi ẏr cad+
arnhau ẏ gret ac o achos nac ỽyf ẏ mẏ+