LlGC Llsgr. 3035 (Mostyn 116) – tudalen 10r
Ystoria Dared
10r
baraỽt yn erbyn gỽyr groec a oedynt yn tywyssaỽ ỻu yd
anteruynedic hoỻ roec drỽy eu gỽladoed hỽẏ. ef a anoges
heuẏt y|wyr y|wlat vuydhau o|e arch ef megys y|geỻynt
o vaỽr vryt eu hamdiffẏn. a|phan doeth achil a|phetroclus
y r ynys a elwir. delpheos yd aethant y demyl a·poỻo a
oed yn ẏr ynys a gỽedy eu dyuot y|r demyl yd archas+
sant eu harch ac yd attebỽẏt vdunt val hyn na welynt
pỽy a|e attebei ac y|dywespỽyt vdunt y goruydei wyr
groec. ac yn|y decuet vlỽydyn y gostygynt hỽy wyr
troea. achil a wnaeth val ẏ gorchymynỽys agomemnon.
amheraỽdyr groec idaỽ ef am y gỽeithret hỽnỽ. ac yn
yr amser hỽnỽ yd athoed yffeirat troea calax y|enỽ. a|phrof+
et oed y dỽyn abertheu dros y|bobyl ef y|apolo ac erchi
a|wnaeth ef y|arch yn|y demyl y|gyt·teyrnaswyr. ac vn
ryỽ atteb ac a rodes y achil a|rodes idaỽ ef am wyr troea
ac erchi a|wnaeth ef vdunt hỽẏ yn|y dyaỻ pan delei
lyges y|marchogẏon o|roec yn erbyn gỽẏr troea nat
enkilẏnt odyna yny geffynt troea. ac yna gỽedy dẏ+
uot achil y|r demyl y·gyt ac eu attebyon gantunt
a ỻawenhau a|wnaethant a|chadarnhau ketymdeith+
as yrydunt ac ygyt y|kerdasant hyt yn athenas
ac achil gỽedy galỽ y|wyr a adrodes vdunt ual yr da+
roed idaỽ. a|ỻawenhau yna a|wnaeth gỽyr groec
a|chymrẏt calcas ygyt ac ỽy ac eỻỽg y ỻyges. a gỽedẏ
eu hattal hỽy o|dẏmestleu yno. a|chalcas drỽy y|dewin+
dabeth ef a|gauas bot yn y iaỽn wynt ymhoelut
a mynet y|r vrenhinyaeth a elwit aỽlidem|ac yno y
deutthant hỽẏ ac agamemnon a vodlỽnhaỽys y|dyana
dỽywes y|tegỽch ac a|erchis y|getymdeithon ef eỻỽg
eu ỻyges a|cherdet parth a|throea ac arueru o|philoton
| « p 9v | p 10v » |