LlGC Llsgr. 3035 (Mostyn 116) – tudalen 65v
Brut y Brenhinoedd
65v
o gyffredin gygor gỽyrda ynys prydein y|rodet
elen verch eudaf a|r teyrnas genti y vaxen ap. ỻywelyn
A|phan welas kynan Meiradaỽc hynny blyghau
a oruc a ỻidyaỽ a|mynet parth alban. A|chynuỻ
ỻu diruaỽr a|ryuelu ar vaxen Ac a|r ỻu hỽnnỽ
gantaỽ dyuot drỽy hymbir ac anreithaỽ y|gỽ+
ladoed hyny o|pop parth idaỽ A|gỽedẏ menegi hynny
y vaxen kynuỻaỽ a oruc maxen y ỻu mỽyaf a aỻỽys
a mynet yn erbyn kynan. a|rodi kat ar vaes idaỽ
a|e yrru ar|ffo Ac eissoes ny pheidỽys kynan namyn
kynuỻaỽ y lu eilweith ac anreithaỽ y gỽladoed yn|ẏ
gylch val kynt. A gỽeitheu gan vudugolyaeth a ̷
gỽeitheu hebdi yd ymchoelei vaxen y ỽrthao Ac o|r
diwed eissoes gỽedy gỽneuthur o|pop vn coỻedeu
maỽr y gilyd. kymodi a orugant drỽy eu kytym+
deithon a dyuot yn vn garẏat
A c ym|pen yspeit pump mlyned syberwau a oruc
maxen o amylder eur ac aryant a sỽỻt. A|march+
ogyon. Ac yn|y ỻe paratoi ỻyges a|wnaeth a
chynuỻaỽ attaỽ hoỻ ymladwyr ynys brydein. Ac
a aỻỽys y gahel o|leoed ereiỻ. A|gỽedẏ bot pop peth
yn baraỽt. kychwyn a oruc parth a ỻydaỽ y wlat a
elwir brytaen vechan yr aỽrhon. A|gỽedy y dyuot
idi dechreu ymlad a|r bobyl a oed yndi o|freinc Ac
yn|y diwed y|ỻas hymbalt eu tywyssaỽc A|phym+
theg mil o|wyr aruaỽc ygyt ac ef. A|gỽedy gỽedy*
gỽelet o vaxen meint oed yr aerua o·nadunt a
gỽedy hẏnnẏ haỽdet eu darestỽg yn gỽbyl Galỽ
kynan meiradaỽc a|wnaeth attaỽ Ac ydan chỽerthin
dywedut ỽrthaỽ val hyn. ar neiỻtu y ỽrth y|bydi+
| « p 65r | p 66r » |