LlGC Llsgr. Peniarth 15 – tudalen 88

gynnev herwẏd annyan nẏt pechawt namẏn herwyd gwahard megys

y|mae dẏ wreic di yn vam y|th vab herwẏd knawt velle y|mae yr honn

a|e kymerth ef o|r dwfvẏr bedẏd a|vyd mam idaw herwẏd yspryt ac velle

y|mae honno yn chwaer y|th wrent* di a|th verch vedẏd a|vẏd chwaer y|th

verch dithev. Ac velle o|drychevẏ dithev verch y|arall ti a|vedẏ vrawt o|e

that Ac velle nyt kannyat y neb kymryt y dwẏ|chwiored nat* y|wreic

kymrẏt y|dev vroder Ac velle drwẏ Rinwed eglwẏssic y|gweherdir y kẏ+

fvryw priodas honno yn gwbyl Ac yn hollawl ~ ~ ~ ~ ~ ~

O  dydi vy|eneit. i. llawnha di kannẏs dammwinnawd* yt klẏbot o|r a|damwei+

neist a|bellach dẏsgawdẏr bonhedic dẏro ymi wirodev yr ysprẏt glan y+

ssẏd ynot yn amẏl a|chann dẏwedeist di ymi vchot am|bryladẏeit dangos

ymi beth|a|ssẏnnẏẏ di am wassannaethwẏr ereill yr eglwẏs. Magister. Yr offeireit yn

gynntaf o|bẏd da ev. bvched o|agkreifft Golevni ẏ|bẏt ẏnt o|dysgant yn da

o|eir. halen ẏ|daẏar ynt a|r gwassannaethwyr ereill megẏs ffenestri yn ty dvw

ynt a|thrwẏdvnt y|tẏwynnaa llevver y gwybot Y rei a|vo ẏn tywyllwch anwẏ+

bot. o|bẏd da ev bvched. Ac na dyscont yn da tybvt* ynt y|varwar yn llosci

heb olevhav O|dysgant yn da Ac ẏn drwc ev bvched tebic ynt y gannwyll

ẏn golevhav ẏ ereill Ac yn|di* y|chwẏr idi hi|hvn o|e losgi neu y|gloch yn sein+

nyaw ẏn velẏs y|ereill Ac yn|ẏ ffvstẏaw e|hvn o|vẏnych hyrdev Onnẏ vvche+

dockaant wyntev yn|da Ac onnẏ dyscant ẏn|da mwc ẏnt yn tẏwẏllv y|tan

Ac yn llygrv drem y llẏgeit Ac am y rei hẏnnẏ y|dywedir Y ser nẏ olevant

Ac wrth hẏnnẏ y|dygwydassant o|r nef. Discipulus Beth a|dẏwedẏ di am yr rei a|dre+

mygassant y|bẏt megys meneith* Ac ereill a|gẏmerth abit krevẏd. Magister. O|chwẏ*+

plaant ev harvaeth gann vvchedockav yn|da wynt a|vẏddant vrawdwyr ar

ereill ẏgẏt a|dvw onnẏt ef a|wnant Trvanach vydant no dynyonn

ereill kannẏ ẏ|dẏwedir y|vffernn yn vyw yd|aant kannẏs gwẏt ẏnt Discipulus.

Beth am|ẏ marchogyon a|r kedeyrnn. Magister. Ychydic o|da kannẏs o|dreis yd ẏmb+

orthant Ac ẏd ymwiscant Ac ẏ|prẏnnant y|gwydev a|r tir a|r deiladev*

Ac am|ẏr rei hẏnnẏ y|dywedir ev dydev a diffẏgẏawd y|gorwaged Ac am

hynny y|mae arnnvnt bar dvw. Discipulus. Pa|obeith ẏssẏd y|r gler. Magister. Nyt oes

yr vn kannẏs o|e holl ynni y maent yn gwassannaethv y|diawl am y rei

hynnẏ y|dywedir nyt adnabvant yw* dvw Ac wrth hẏnnẏ dvw a|e tre+

mygawd a|dvw a|watwar amdanadvnt kannys a|watwaro ef. a|wettwerir

Discipulus Pa|obeith yssyd y|r porthmẏn. Magister. Ychydic kannẏs o|dwyll Ac annvdonev

Ac vsvr ac ockẏr y|keissent pob peth hayach o|e kynnvll ponẏt aant wẏ

y|bererindodev ponyt offrymant wẏ ponẏ rodant alvssennev llawer yr

achwanegv da vdvnt a|dvw a|e gadv gantvnt y|gwnant wy holl hẏnnẏ

Ac am hynnẏ y|kymerant wẏ ev kyfvloc yma am y|rei hẏnny ẏ|dẏwedir