LlGC Llsgr. Peniarth 15 – tudalen 143

treugared y|m eneit Ac yr aỽr·hon yd af y|m agheu Ac y|m|gwaet y|m|bendigy y|m|bedydir

y dynyon treuein drỽc a|draossant y|rodeu yn ebrỽyd eissoes iessu vab Meir ny atada+

ỽd y vorỽyn hef heb gof. y egylyon ef a anuones attei. Ac a|dorassant y|rodeu. Ac

eu dryỻeu ỻymyon hỽy o|r truein agkredadun a|ladassant deg|mil a deugeint

llawer oc a|weles y gwrtheu* hynny a gredassant y|r arglỽyd duỽ A|thrỽy vax+

en y ỻas y rei a|gredaỽd Ac eu heneiteu a aethant y baradỽys. A Maxen vren+

hin a lityaỽd am lad y wyr Ac a vedylyaỽd pa delỽ y gallei ef lad y vorỽyn

Ac yna y dywaỽt ef ỽrth y vorỽyn duỽ ymadraỽd geu. Medylya ti vorỽyn

dec ettwa a chret y|m dỽyeu. Ac o achaỽs dy decket ti a geffy dy eneit Ac yna

yd attebaỽd morỽyn duỽ na thal dim dy gelwyd di nyt oes ofyn dim arnaf

o|th boeneu di. kanys o lewenyd tragywedaỽl yd ỽyf|i dirgel yr hỽn ny der+

uyd vyth. y treuan vaxen a dywaỽt ỽrth y wyr Arglỽydi peth a|gygho+

rỽch imi. py delỽ y dielir y hynuytrỽyd ar Gatrin am na chret hi y|m dỽy+

eu. i. yna y dywaỽt gwyr drỽc o vn llef Ac erchi y|doyn aỻan o|r dref a ỻad

y phen yna y ducpỽyt y vorỽyn o|r dref a llad y phen allan ac yd yspei+

lỽyt A|ỻawer gwreic a oed yna yn ỽylaỽ ac yn kỽynaỽ am Gatrin mo+

rỽyn duỽ. vn treuan o|r dynyon emeỻtigedic a dynnawd cledyf ỻym Ac a|er+

chis idi ystynnu y mynỽgyl. A gỽydy hynny ti a golly dy ben tec vym mra+

ỽt i y tec heb hi arho echedic vn wedi. a wnaf i y|m|arglỽyd tec creadyr

nef a daear. tat a mab ac yspryt glan vn duỽ yn yscrifenedic y brenhin vchaf

Mi a adolygaf it treugared y|m eneit ac y pop cristaỽn a grettont ynot

ti yn gadarn. Mi a adolygaf it yr dy enỽ vchel di arglỽyd y neb a gretto

y|m diodef i. ac a|e koffao diffryt y rei hynny rac y gelynyon. A|rodi tru+

gared o|e eneiteu. A|r neb a|del at vyg|corff. Ac a|e keisso drỽy dy enỽ di

rodi iechyt vdunt o|e drygyeu y brenhin vchaf ynn|y drindaỽt dyro ym+

waret y|r dynyon treuein* hyn yma yssyd y|m ponu* yr dy garyat ti. Ma+

deu vdunt y folineb hỽn kany ỽthant beth y|maent yn|y wneuthur imi. A

minheu a madeuaf vdunt. Ac y|th laỽ ditheu arglỽyd y gorchymynnaf

vy yspryt. yna y doeth agel at Gatrin Ac y dywaỽt ỽrthi genhyf|i yd

anuones iessu vab Meir y ganhatau oỻ yr hyn a ercheist idaỽ. dyret heb

ohir o|r poen hỽn y lewenyd diogel dragywedaỽl. yna y dywaỽt Katrin

ỽrth y gỽr treuan ỻad di vy|mhen yr aỽr hon. kanys vy arglyd. i. a

anuonỽs attaf. y erchi ym dyfot y|r llewenyd ny deruyd vyth. A|r gỽr

drỽc yna a ladaỽd y phen a llaeth yn ỻe gwaet a|redaỽd allan A|r egyly+

on a ducsant eneit y vorỽyn vendigeit y|r nef A|e chorff a gladassant y|my+