LlGC Llsgr. Peniarth 15 – tudalen 121

ar y|bas hwnnw dwẏ colofyn Sef yw y|rei hynny breichev Ac ar y|rei

hẏnnẏ bas Ac ar honno vn vreich ar|bymthec Ac velle y|kerddir ar|y

gweith ẏnẏ delher y rivedi pedeir colofẏn a|thrvgeint Ac odyna y lleiheir

rif y|bassev a|r colofẏn hẏt pann delher ar vn a hẏnnẏ gan ysgynnv y

vynyd megẏs ad* ẏmlhawẏd gynt ẏn|ẏsgynnv hyt ar pedeir ar trv+

gein y|colofven a|r bassev o|vn·ryw genedyl vein gwerthuawr ynt a|r

graddev yr ysgynnẏr* dwydvnt* yn gorvchelder y|colofẏn vchaf y|mae

discwẏlva yn ossodedic o|ryw gylvẏdyt radlawn hyt na eill neb yn|yr

hollre tir yssẏd darẏstyngedic yn·ni gwnevthvr dim yn hollawl na|thwyll

na brat na|chauarwydon* y|n erbẏn ni nev y|ryi* einym ni na welher o|r disg+

wilva honno yn amlwc Ac em* hadnabot pwẏ vont na|phet* a|wnelhont.

Ef a|vyd yn wastat yn cadw y|discwylva honno teir mil o|wyr aruawc dẏd

a|nos rac o|damwein gallv y|thorri nev y|borw* y|r llawr. Pob mis ẏn|ẏ

vlwydẏn ef a|vẏd seith brenhin in* gwassanethv yni pob vn ohonvnt

yn|y vrdas. Ac o|dywyssogyon dev a|devgeint O|ieirll vn ar|bymthec

a|devgeint a|thrychant y|rẏfedi hwnnw a|vẏd ẏn|wastat ar yn bort ni

heb y|rei a|vo gossodedic yn ẏmravaelon wassannaethv yn llys ni ar ẏn

bort ni y|bwẏttant vennyd* ar ẏn dehev devdec arch·escyb. Ac ar y|llaw

assev vgein escẏb a|phedriach* o|r lle y|mae bed Thomas ebostol a|r gwr ysyd

yn lle pab sarvvgantivs a|r pab pennaf o|svrs yn lle y|mae penna·dvrya+

eth a|wastadrwẏt* yn|gogonyant ni yn eisted yn nevad an amherodraeth

ni a|chẏniverwch a hẏnnẏ a|daw pob mis ẏn|ẏ lle wẏ Ac ny diffẏckẏa

vyth y|ryf* hwnnw y|wrth yn llẏs ni Abbadev kẏfvriuedi a|diwarnodev

y|vlwẏdẏn ẏssẏd gaplanyeit yni A|phob mis y|doant y|rei hynnẏ adref

a|r gymeint arall y|r vn·ryw wassannaeth a|doant y|n Capel ni drache+

ven. Ny dẏlẏ dy brvder* di anryfedv pa achos na adawẏd y|n gorvchelder

ni yn galw o|enw a|vei vch a|theilẏngach noc offeiradaeth kannys llẏma

yr achos llawer o|wassannaethwẏr yssẏd y|n llys ni a|verthẏn*|herwẏd

gwassannaeth dwẏwawl a*|eglwyssawl teilẏgdawt bot yn vch ev

henwev noc offeiradaeth Sef yw y* hẏnnẏ yn pennswydwẏr ni pri+

mas yw a|brenhin yn trvllyat archescob yw a|brenhin yn gwas ystav+

ell escob yw a|brenhin. Yn marscal brenhin yw Ac arthimandria

Yn pencoc brenhin yw Ac abat Ac wrth hẏnnẏ nẏ diodefawd yn

gorvchel ni yn galw ni o|ryw enwev hẏnnẏ nev o|ryw vrddev kannys

kyfvlawn yw yn llys ni o|ryw enwev hẏnnẏ wrth hẏnny o

vfvylldawt yr etholassam ni yn galw o|enw a|vei amgen no

hẏnnẏ Sef yw hwnnw offeirat. Ef a|ymystyn yn tir ni yn vn

parth o ymdeith pedwar mis ar ẏ llet. Y|parth arall nẏ dichawn neb