LlGC Llsgr. Peniarth 15 – tudalen 48

fat dwẏvronn vilwryeid a|chorff lleweid arderchawc ac am y|arch yn adve+

in vonedigeidlvn Ac odẏna brasswẏnnẏon vordwẏdyd kadyrweith.

a chynggrẏnnyon linnyev ẏrẏgtvnt a|hirwynnẏon vnẏawnllvn

esgeirev kyfvaddllvn eithyr vot yn vreisgach y|krothev vdvnt yn|ag+

os ar|y|glinnev nogẏw*|ev meined Ac ydan hynnẏ tynerẏon hirwyn+

nyon traet a|chyngrynnyon vyssed arnvnt gwynddesdlvsson. Ac odẏ+

na tynerder yr holl ysprẏdawl gnawt destelvslathẏr kymeredic o|r

yspryt glan a gwẏnnvydic anedic o|veir wẏrẏ yn kẏfvlewni kyfladẏ+

at pob ffydlawnn gnawt. Ac ef o|dragywydawl garyat annwẏlserch

Ac am y|mab serchawcureint hwnnw yd|oed y|kẏfrẏw ˄wisc honn nyt am  ̷+

genn peis a|hossannev o|r ẏstinos tenev claerwynn Sef yw yr ystinos

maen gwerthvawr claerwyn Ac a|geffir ẏn|ẏr yspaen eithaf Ac a  ̷

ellir y|nẏdv a|gwnevthvr gwiscoed o|r adaved hwnnw a|r|wisc a  ̷

wneler ohonaw a olchir ẏn|ẏ tan pan vvtraho a|byth y|para Ac

a elwir vrẏael kanẏs vr o efrei tan yw o|gymraec. A|botynnev

o evr perffeithgoch ar bop llawes o|ardwrnn hyt ym|pennelin.

a|rvdem gwerthvawr ympob bwtwnn Ac velle. yd|oed ar y|dwẏ+

vron o|e elgeth hẏt y|wregys a|chrys a|llawdyr o|r visswn meinwẏn am+

danaw Sef yw y|bisswn meinlin*|o|wlat er eifft ac esgittẏev o|r kordwan pvr+

dv yn arwẏdockav ẏ|dẏnẏawl gnawt a|gymerth o|r dayar dẏwẏll a|gwagev

o|evr yn caẏev ar ẏ|mẏnẏglev a|llafẏnnev o|evr yn|gẏfvlawn o|wẏnnẏon em  ̷+

mev o|vynwgyl ẏ|traet hẏt ymlaen y|vyssed Ac ar vchaf ẏ|beis glaerwen

honno a|arwydockaei kanneithliw diargẏwed y|gwerydon yd|oeed* ysgin

o|bali flamgoch wedẏ y lyaw a|gwaet pedeir mil a|seith|vgein mil o|verthẏri

meibon diargywed a|las yn keissyaw crist yn|y enw ef kyn bot vn o·hon  ̷+

vnt yn|dwy vlwyd a hẏnnẏ oll o|veibon a|oedynt ẏn|ẏ gylch ef yn kanv

gwawt idaw ar nẏ aallei neb vch y|dayar nac is dayar ẏ|chanv namẏn

wẏnt e|hvnein Ac ẏstẏr y|wawt a|ganeint hẏt y|gallei y brawt y|dyall

D iolchwnn yon ytt dẏ rodẏon yni veibon vaboet dirẏm [ oed hynn

Pe|beẏm henẏon val yn dẏnẏon. kolledigẏonn digwyn vedẏm Nev|n

differeist pan yn rodesit gwaet a|greest yn grev ffrwythlym Mawr

y|n kereist ẏ|n gwyargeist y|n bedẏdẏeist bydoed eidrẏm. Ẏor grist keli wrth

dẏ voli klẏw yn gwedi gwaet a|eirẏawl Mae gennẏm ni o|th radev di

kẏn yn provi praw bvdvgawl Gwaet heb davawt heb gryfder kna+

wt heb rẏm kevdawt kiwdawt dẏnẏawl. Yn kanv gwawt y dvw

drindawt diwael vndawt vn temyl dwẏwawl Mawl diledryt y|r

tat mawrvrẏt a|r glan ysprẏt kywyt kẏweir Molyant mebyt

meibon y|byt y|vab gwynnvẏt gwynnvydic veir Mae|n dinevdawt