LlB Llsgr. Cotton Cleopatra A XIV – tudalen 101r
Llyfr Cyfnerth
101r
penkynyd. punt a| tal pop vn o·honunt.
Tri hela ryd yssyd ym pop gulat hela iỽrch.
a hela dyfyrgi. A| hela cadno. kanyt oes
tref tat udunt. Tri pheth a| tyr ar gyfre+
ith. treis ac amot ac aghenoctit.
Tri hỽrd ny diwygir. Vn yỽ gouyn ia ̷+
ỽn o| dyn am y gar y elyn. yn tri dadleu.
ac na chaffei iaỽn. A chyuaruot y elyn ac
ef guedy hynny. A guan hỽrd yndaỽ a gua ̷+
yỽ hyny uei uarỽ. ny diwygir idaỽ yr| hỽrd
hỽnnỽ. Eil yỽ guneuthur eidiged o wreic
ỽryaỽc ỽrth wreic arall am y gỽr a chyfar+
uot y dỽy wraged y·gyt. A guan hỽrd or
wreic ỽryaỽc yn| y llall ae dỽy laỽ hyny
uo marỽ ny diwygir idi. Trydyd yỽ rodi
morỽyn y ỽr a| mach ar y morỽyn·daỽt a
guan hỽrd yndi or gỽr a bonllost ae hym ̷+
rein vn weith hi. Ae chaffel yn wreic hi.
Ynteu a dyly galỽ attaỽ y neithaỽrwyr
a* ennynu canhỽylleu. A llad y chrys tu
dra|e chefyn yn gyuuỽch a|thal y phedrein.
| « p 100v | p 101v » |