LlB Llsgr. Cotton Cleopatra A XIV – tudalen 55r
Llyfr Cyfnerth
55r
Hyt hyn gan ganhyat duỽ kyfre ̷+
itheu llys ry| traethassam. weith ̷+
on gan borth y gogonedus arglỽ+
yd iessu crist kyfreitheu gulat a| dangos+
sỽn. Penhaf ynt o·honunt teir colouyn
kyfreith. nyt amgen naỽ affeith galan ̷+
as. A naỽ affeith tan. A naỽ affeith lledrat.
KYntaf yỽ o naỽ affeith galanas tauot ̷+
rudyaeth. dangos y neb a lather ae
guhudaỽ. Eil yỽ kytsynyaỽ ac ef am y lad.
Trydyd yỽ rodi kyghor y lad. Petweryd yỽ
discỽyl. Pymhet yỽ canhymdeith y llofrud.
Whechet yỽ kyrchu y tref. Seithuet yỽ y
artỽyaỽ. Vythuet yỽ bot yn porthordỽy.
Naỽuet yỽ guelet y lad gan y odef. Dros
pop vn or tri kyntaf. y telir naỽ ugeint
aryant a llỽ canhỽr y diwat guaet. Dros
pop vn or tri ereill y rodir deu naỽ ugeint
aryant a llỽ deu canhỽr y diwat guaet.
Dros pop vn or tri diwethaf y telir tri naỽ
ugeint aryant a| llỽ trychanỽr. y diwat guaet.
| « p 54v | p 55v » |