LlB Llsgr. Cotton Cleopatra A XIV – tudalen 85r
Llyfr Cyfnerth
85r
hin heibyaỽ kudyet uon y pren a breth ̷+
yn vn lliỽ. Or dygỽyd pren ar traỽs auon
a| thynu magleu ar y pren. perchenaỽc
y tir y bo bon y pren arnaỽ a dyly y douot
pa tu bynhac y trosso yr auon uric y pren.
Cledyf a| uo eur neu aryant ar y dỽrn
pedeir ar hugeint a| tal. Cledyf heb
eur a heb aryant arnaỽ deudec keinhaỽc
a| tal. Taryan a| uo llassar arnei. pe ̷+
deir ar hugeint a| tal. Taryan liỽ y phren
deudec keinhaỽc a| tal. Guayỽ pedeir
keinhaỽc kyfreith a| tal. Bỽyall enillec
dỽy geinhaỽc kyfreith a| tal. Kyllell.
keinhaỽc kyfreith a| tal. Talgell. A| ch+
reu moch. a ffalt deueit. dec ar huge ̷+
int a| tal pop vn. Mein melin pedeir
ar| hugeint a| talant. Breuan pedeir ke ̷+
inhaỽc kyfreith a| tal. Telyn penkerd
wheugeint a| tal. Y chyweirgorn pedeir
ar hugeint a| tal. Telyn y brenhin ae
vryckan ae taỽlbord wheugeint a| tal
pop vn
| « p 84v | p 85v » |