LlB Llsgr. Cotton Cleopatra B V rhan i – tudalen 132v
Brenhinoedd y Saeson
132v
Trahaearn. canys duw a doeth yn|y erbyn y dial
gwaet Bledyn vab kynvyn y gwr goreu ar tru+
garocka o|r a uu o vrenhin eryoet. A gwedy llad
gwyr Rys y foas yntev val carw gwyllt ofnus.
yn diwed y vlwydyn honno y llas Rys a hywel
y vraut. y gan Caradauc vab Grufud. Ac yn|y
vlwydyn honno yd edewis Sulien y escobot. ac
y kymyrth Abraham hi. Anno domini.molxxvijo.
y dechrews Rys vab Teudwr gwledychu. Anno
domini.molxxviij. y diboblat mynyw yn druan y gan
wyr anfydlon. ac y bu varw abraham escob my+
nyw. Ac y kymyrth Sulien eilweith yr escobot yn
eidaw. Anno domini.molxxix. y bu ymlad mynyd
carn. ac yno y llas Trahaearn vab caradauc a
meibion Riwallawn; caradauc. a grufyd. a mei+
lir. y gan Rys vab Teudwr canys Grufud nei
Jago ac yscottieit llidiauc a doeth yn borth idav.
Gwrgenev vab Seissyll a las o dwyll; y gan vei+
bion Rys seis. yn|y vlwydyn honno yd aeth
William duc normandi a brenhin lloegyr a
chymre y bererindaut hyt yn mynyw. a thri
meib a uu idaw nyt amgen Robert. a William
a henri. Anno domini.molxxx. y dechrewt edeiliat
Caer dyf. Anno domini.mlxxxi. y bu decem nouena+
lis sicli. Anno domini.mlxxxiij. yd edewys Suli+
en y escobaut. ac y kymyrth Gwilfret hay.
Anno domini.molxxxiiij. y bu varw Terdelach bren+
hin yscottieit nev y gwydyl. Anno domini.molxxx.
vijo.y bu varw William bastart duc normandi
| « p 132r | p 133r » |