LlB Llsgr. Cotton Titus D IX – tudalen 25r
Llyfr Blegywryd
25r
NY|eillir kyrch kyhoedauc o|lei no naỽ ̷+
ỽyr. y wadu kyrch kyhoedauc y|rodir
llỽ degỽyr a|deugeint.
P Wy|bynnac a gỽynnho yn sefydlaỽc
rac dyn o|dadyl gyr bronn braỽd+
ỽr. yna y kymhellir yr amdiffyn ̷+
nỽr y atteb. kannyt oes oet id ̷+
aỽ yn|y gyureith honn. Pan dangosso
y|cỽynnỽr y haul. onnyt atteb idaỽ.
yr amdiffynnỽr heb ohir. y|cỽynnỽr a|dyly
galỽ tyston a|thystu na|wadaỽd|y|llall
dim. Odyna aent ar|neilltu y|braỽdỽyr
am|y dadyl honno. ac anuonent deỽỽr at
y|cỽynnỽr y|ouyn ida* pỽy y|tyston a|enỽis.
a|phy|beth a|tystỽys vdunt. Pan darffo
hynny gouynnent y|tystonn ae|hỽyntỽy
a enỽis y|cỽynnỽr yn tyston. a|phy|beth a
tystỽys vdunt heb amgen braỽf arnunt.
Canyt oes aruer o|braỽf yn|y gyureith
honn. Os y|tyston a geiffir* yn|vn a|r|cỽyn+
nỽr am|y tystolyaeth. tystet y|cỽynnỽr eil
ỽeith y|ereill hynny. Os teỽi a|ỽnna yr amdiffyn+
nỽr; y|tyston kyntaf a|dylyant tystonnv
nat aeth yr amdiffynnỽr yn eu herbynn.
Os eu llyssu a|ỽna tystent vynteu eu|lly+
ssu yn an·amsser. ac velly o|r deu bunc trỽy
| « p 24v | p 25v » |