LlB Llsgr. Cotton Titus D IX – tudalen 7v
Llyfr Blegywryd
7v
aỽr neuad. a|dryssaur ystauell yỽ ty y|porth+
aỽr. PEnnteulu a|geiff ancỽyn yn|y lety.
teir seyc. a|thri chornneit o lyn. Teir punt
pob blỽydynn a|geiff ynn|y gyuarỽs y|gan
y|brenhin. Punt yỽ kyuarỽs pob vn o|r te ̷+
ulu. O|r keiff teulu brenhin anreith; y|penn+
teulu a geiff rann deu ỽr o|r|byd ygyt ac
wynt. ac o|trayan y|brenhin yr vn llỽdyn
a|deỽisso. Pennteulu a geiff y|gan y|vrenhi+
nes o|r med yd|heilo y|distein arney. corneit
ym|pob kyuedach. O|r deila y|pennteulu y ̷ ̷
neb a|ỽnel cam yn kynted y|neuad; trayan
y|dirỽy neu y camlỽrỽ a|geiff ef. Os is ky+
nted heuyt y deila yn gynt no|r distein;
y|trayan heuyt a|geiff. Y eistedua a|uyd
ynn|y tal issaf y|r neuad. a|r teulu ygyt
ac ef. at y|llaỽ asseu idaỽ at y drỽs. Mab
y|r brenhin neu ney idaỽ a|dyly bot yn
bennteulu. O|r gat y brenhin vn o|r teulu
ar var y|gantaỽ hyt odis y|penntan; y|pen+
teulu bieu y wahaỽd a|e gynhal ygyt
ac ef os myn. ac ef bieu kymryt yr
henuryat a|vynnho ar|y|deheu. ac arall
| « p 7r | p 8r » |