Llsgr. Caerdydd 1.362 (Hafod 1) – tudalen 42v
Brut y Brenhinoedd
42v
adaỽ agreiff udunt y wneuthur arueu; Ac erchi
udunt adeilyat kestyll ar lan y mor yn|y porth+
ueyd y bei discynua eu llogeu. ỽrth gadỽ eu gỽ+
lat o·nadunt rac eu gelynyon haỽs yỽ eissoes
gỽneuthur hebaỽc o|r barcut. no gỽneuthur
bilein yn dyscedic ar vrỽdyr. A phỽy bynhac a
rodo dysc o andun* doethinab idaỽ; kynhebic yỽ yr
neb a|wascarei gemeu maỽrweirthaỽc dan traet
moch. Ac yna kychwyn a|wnaeth gỽyr rufein y
ymdeith megy* ar odeu na delhynt yr ynys hon tra+
cheuyn. Ac ar hynny nachaf yn|y lle y racdywede+
digyon elynyon uchot. Gỽynwas a melwas
yn dineu o|r llogeu yr tir a llawer o niferoed gantunt
o|r gỽydyl ar yscotteit ar y fichteid ar llychlynwyr.
A gorescyn yr alban yn diannot o vyỽn y mur.
A gỽedy gỽybot o·nadunt yr vynet gỽy* rufein
y ymdeith heb obeith y ymchoelut tracheuyn; eof+
nach noc y gnoteynt yd ymranassant y distryỽ y mur.
Ac yna y gossodet yỽ amdiffyn ỽynteu y bileinlu
diaruot. paraỽt ar ffo pei lleuessynt. Ac ny orffowys+
sei y gelyon* o vỽrỽ agheuolyon ergydyeu yn eu
plith. Ac o vỽrỽ bacheu gỽrthuinyaỽc yn eu plith
ỽrth linynyeu. Ac y·uelly y trymyon vileinlu
o|r kestyll a tynnyt hyt y llaỽr attadunt. A diga+
ỽn o didan a oed gan y neb a gaffei agheu ebrỽyd
arnaỽ; rac y ryỽ amryuaelyon poynyeu a|wnelynt
y wneuthur ar eu kenedyl yn gỽyd. O·i a duỽ maỽr
a beth yỽ gỽelet dỽywaỽl dial ar y pobyl am eu
pechodeu hen. kanys pei bydynt yna y saỽl var+
| « p 42r | p 43r » |