Llsgr. Caerdydd 1.362 (Hafod 1) – tudalen 59r
Brut y Brenhinoedd
59r
kyffroant ofyn eilweith. O symudigyon aeruaeu y darys+
tỽg echỽyn. Dywalder hagen aneueill* mor a racrym
Odyna y daỽ neb vn yn tinpan a|thelyn. Ac a glerhaa dy+
walder y lleỽ. ỽrth hynny yd hedychant kenedloed y teyr+
nas. ar lleỽ ar vantaỽl y galwant. yn|y gyfleedic eisted+
ua y llauurya y dyrchauel. y dỽylaỽ hagen a ystyn ar
yr alban. ỽrth hynny y tristaant kymhydeu y gogled.
a drysseu y temleu a agori*. Y serenaỽl uleid a hebrỽg
toruoed. Ac o|aclaỽs* ef; kernyỽ a rỽym. y hỽnnỽ y gỽr+
thỽynepa marchaỽc ynn y kerbyt. yr hỽn a symut
y pobyl yn vaed coet. ỽrth hynny yd anreitha y kym+
hydeu. Ac y gỽaelaỽt hafren y sathyr y pen. Dyn a
damblygir y gan leỽ. byỽ a|lluchaden eur a dalla y rei
a edrychont. yr aryant a wynha yn|y gylch. Ac amry+
ualyon pressureu a|ulinha. Yny bo gossodedic y guin
y medwant y rei marwaỽl. yny bo ybryuygedic y
nef. y edrychant ar y dayar. y syr a|dỽc y gantunt eu drych.
Ar gnotaedic rydec a wascarant. yn|yd|irllyonhao y rei
hynny; y lloscant yr ydyeu. A gỽlybỽr y|kytrỽmedic
a|neckeir. y gỽreid ar|kageu a ymchoelant y chwyl a
newydder y gỽeithret a uyd anryuedaỽt. Echtywyne+
digrỽyd mercurius a wanha. Ac aruthred uyd yr neb
a|e hedrycho. Stilbon a|symut taryan arcadie. Pen+
festyn mars a elỽ venus. Penfestyn mars a wna
gỽascaỽt. Kyndared mercurius a|gertha y rei uynet.
Orion hayarnaỽl a symut y gledyf. y mor l heul
a vlinha yr ỽybyr. Jubiter a gertha y ganhatedigyon
lỽybreu. A venus a edeu y gossodedigyon linyeu. kyg*+
horuyn sadỽrn seren a dygỽyd. Ac o grỽm gryman
| « p 58v | p 59v » |