Llsgr. Caerdydd 1.363 (Hafod 2) – tudalen 104v
Brut y Brenhinoedd
104v
ymchwelavd ar nyver hỽnnỽ kanthaỽ hyt en enys pr+
ydeyn. Ac gwedy kenattaỽ dyvodedygaeth e saỽl hon+
no y ortheyrn ac o|y tewyssogyon entev llydyaỽ a orỽg+
ant ac en eỽ kytkynghor e kaỽssant ymlad ac|wynt a
llỽdyas e tyr vdvnt. Ac gwedy mynegy o|y verch he+
nny trwy kennadev y heyngyst en e lle medylyav a
orvc enteỽ pa peth a gwneley. Ac|gwedy medylyav
pob medvl o|r dywed vn a etholes sef oed henny y kys+
cavt tangnheỽed twyllaỽ e kenedyl. Ac wrth henny
anỽon kennadeỽ at e brenyn a mynegy ydav ef natyr
attael e ỽeynt nyver honno y gyt ac ef en e wlat nac yr
gwneỽthvr treys arney. namyn tebygv bot Gwerth+
evyr en vyw megys e galley entev emdyffryt trwy ne+
rth er rey henny o dechreỽhey ymlad ac ef. A chanys oed
dyheỽ ganthav ry varỽ Gwerthevyr ymrody a wnaey
ef a|e nyver en ewyllys e brenyn ar nep a ỽynhey ona+
dvnt y attael y gyt ac ef eỽ trygaỽ. ar nep ny|s myn+
ney eỽ hellwng y eỽ gwlat tracheỽyn hep vn gohyr.
Ac os henny ar rynghey bod y ortheyrn gossodey dyd
tervynedyc a lle e delynt y gyt y ossot ac y lvnyethv pob
| « p 104r | p 105r » |