Llsgr. Caerdydd 1.363 (Hafod 2) – tudalen 167r
Brut y Brenhinoedd
167r
daỽ megys y gellynt o·dyna kyrchv bwr+
gwyn en erbyn gwyr rvueyn. Ac y gyt
a henny. mynegy a gwnaeth yr amheraỽ+
dyr na thaley ef teyrnget ỽdvnt wy o e+
nys prydeyn. ac nat yr gwnevthvr yavn ỽ+
dvnt o|r a holynt ed oed ef en kyrchv rvueyn.
namyn yr kymell teyrnget o|r rỽueyn ydaỽ ef
megys y barnassey ef y delyv. Ac ar henny e
kennadeỽ a aethant o|r llys. E brenhyned a aet+
hant. e gwyrda a aethant. ar hynn a erchyt vdv+
nt paỽb en|y ansavd hep ỽn annot a ymparatoas+
sant erbyn er amser tervynedyc vdỽnt.
Gwedy atnabot o less amheraỽder er attep
a kavssey y gan arthvr trwy kyghor sened
rỽueyn ef a ellyghỽs kennadeỽ y wyssyaỽ bre+
nhyned e dwyreyn ac erchy ỽdvnt dyỽot ac eỽ
llwoed kanthỽnt y gyt ac ef wrth oreskyn enys p+
rydeyn. Ac en kyflym ed kynnỽllassant eno. epyst+
rophỽs brenyn Groec. Mvstensar brenyn er affryc.
Aliphantina brenyn er yspayn. hyrtach brenyn pa+
rth. boccỽs brenyn medyf. Sertor brenyn lybya.
Sers brenyn ytỽry. Pandrasus brenyn er eyfft.
| « p 166v | p 167v » |