Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 38v
Ystoria Lucidar
38v
doeth krist o|e brynv o anghev. Megys y|dyỽe+
dir. mi a ossodaf vy eneit. i. dros vyn deueit. i.
Dros y|rei eidaỽ ef y|dyỽat ef. ac nyt am y
rei y|dyỽat ef y|geir hỽnn amdanunt. Nyt
ydyỽch chỽi o|m deueit i. Odyna ti a|geffy yn
yscriuennedic. dros y|rei hynn yd archaf. i.
Ac nyt dros y|byt. Ac eilỽeith y|dyỽeit. Ti
a|e kereist ỽynt kynn gossot y|byt. Am|y|rei
hynny y|dyỽedir. hỽnn yỽ y|gỽaet a|dineuir
dros laỽer. ny dyỽeit ef dros baỽp. Ny wnae+
eth anghev krist o les y|rei drỽc onnyt kyfy+
aỽn gyfuyrgolledigaeth. Ac yn|y mod hỽnn
y bu varỽ ef drostỽnt ỽy. kannys pob enỽir
yr dechreu byt a|gytssynnyaỽd am aghev crist.
ac am hynny y|dyỽedir. ef a|daỽ hynn oll o
drygoed ar|y genedyl honn. Os crist yssyd wir
trugared a|e trugaredeu dros yr holl weithre+
doed. Ac yntev gỽedy ry|dyuot y alỽ y|pechadur+
yeit. Ac nyt y|rei gỽiryon. Paham na|thrugar+
ahaỽd yntev ỽrthunt ỽy. Trugaraỽc yỽ duỽ
vrth y|rei a|adnapont eu bot yn druein. Y|rei e*
ennỽir a|debygant eu bot yn wiryon. Ac vrth
hynny ny eilỽ yr arglỽyd ỽynt megys y|dyỽ+
edir. ny thrugerehe di vrth baỽp a|wnel enỽi+
red. A channys yntev yssyd drugaraỽc. A|chyf+
| « p 38r | p 39r » |