Rhydychen, Llsgr. Coleg yr Iesu 57 – tudalen 144
Llyfr Blegywryd
144
choelut y geuyn ar y das. Ony daỽ y braỽt hyn+
af a|r teilyngaf. o|r daỽ a vo teilynghac* noc ef
ef a|e keiff oỻ. Os y kyffelyb a|daỽ y kyffelyb a
geiff o rann. Os datannud car a vernir y
dyn o dyu˄ot a char y|r tir. gorffowys a|geiff yno
naỽ diwarnaỽt. ac yn|y naỽuettyd y dyry atteb.
ac yn|yr eil naỽ·uettyd barn. Os trỽy datannud
gyt a|beich keuyn y doeth y|r tir a|gynhalyaỽd
y dat gynt hyt uarỽ. tri·dieu y keiff orffow+
ys. ac yn|y trydyd y|dyry atteb. ac yn|y naỽuet+
tyd barn. Pỽy bynnac y barner datannud
idaỽ. ny dichaỽn neb o gyfreith y ỽrthlad oho+
naỽ o·nyt etiued priodaỽl. a|r datannud herỽ+
yd oet. Sef yỽ hỽnnỽ yr hynaf. kany|dichaỽn
yr eil datannud gỽrthlad y kyntaf. ac ny|di+
chaỽn vn ampriodaỽl gỽrthlad ampriodaỽl a+
raỻ. ac o|r|byd amrysson rỽng deu etiued gyfre+
ithaỽl. ny dichaỽn un gỽrthlad y gilyd o gyf+
reith. O|r deu etiued kyfreithaỽl gyndrycha+
ỽl. vn a vyd priodaỽl ar datannud o gỽbyl. a|r
| « p 143 | p 145 » |