Rhydychen, Llsgr. Coleg yr Iesu 57 – tudalen 66
Llyfr Blegywryd
66
ynt. aỻwest y verch. a|e breid warthec. a|e genue+
in voch. o bop ỻỽdyn a|gaffer yn|eu|plith oc eu
kyfryỽ. pedeir keinyaỽc. kyfreith. a|geiff y breyr. Teir
rỽyt taeaỽc ynt. y warthec. a|e voch. a|e hen+
dref. o bop ỻỽdyn o|r a|gaffer yn eu plith. o ga+
lan mei hyt amser medi. pedeir keinyaỽc a
geif y taeaỽc. Tri chorn buelin y brenhin y
gorn kyued. a|e gorn kyweithyas. a|e gorn he+
ly yn|ỻaỽ y penkynyd. punt a|dal pob un oho+
nunt. Teir telyn kyfreithaỽl yssyd. telyn
brenhin. a|thelyn penkerd. chweugeint a|dal
pob vn o|r dỽy hynny. kyweirgorn pob vn deu+
dec keinyaỽc a|dal. a thelyn uchelỽr trugeint
a|dal. a|e chyweirgorn pedeir keinyaỽc. kyfreith Tri
pheth nyt ryd y vilaein eu gỽerthu heb gennat
y arglỽyd. March. a moch. a mel. os gỽrthyt y
arglỽyd kysseuin. gỽerthet y|r neb y mynno.
Teir keluydyt ny eiỻ taeaỽc eu dysgu y uab
heb gennat y arglỽyd. yscolheictaỽt a gofyan+
naeth a bardoniaeth. kanys o diodef yr arglỽyd
| « p 65 | p 67 » |