LlGC Llsgr. Llanstephan 4 – tudalen 48r
Purdan Padrig
48r
A *|R diwed y diefyl a|ducsant y
marchaỽc ganthunt y vaes ma ̷+
ỽr ỻydan a|hir. ac yn gyflaỽn o|drueni
a|dolur. ac ny welei y marchaỽc deruyn
ar y maes hỽnnỽ rac y hyt a|e let. a|r
maes hỽnnỽ a|oed gyflaỽn o|dynyon
gỽyr a gỽraged. ieueingk a|hen yn gorỽ ̷+
ed yn noethon a|e hỽynebeu ỽrth y
daear. a gỽeitheu ỽynt a|welit yn|cnoi
y daear rac dolur. a gỽeitheu ereiỻ
yn ỻefein dan gỽynaỽ ac udaỽ ac er+
th·ỽch yn truan. ac yn|erchi val hynn.
Arbet arbet arglỽyd neu drugarhaa
ỽrthym. ac nyt oed yno neb a wypei
beth oed drugarhau neu arbet. Diefyl
amgen a|oed yn eu plith ac arnunt
heb orffowys yn eu codi ac yn eu mae+
du a|ffrowyỻeu kalet. Ac yna y diefyl
a dywedassant ỽrth y marchaỽc. Reit
vyd ytti odef y poeneu a|wely di oỻ
o·nyt vuydhey ỽrth yn kynghor ni.
Sef yỽ hynny peidyaỽ a|th darpar ac
ymchoelut ohonat drachefyn. ac o|r myn+
ny di hynny ni a|th dygỽn yn|didrỽc
dangneuedus y|r porth y doethost idaỽ.
Y marchaỽc a|wrthodes hynny. a|r diefyl
| « p 47v | p 48v » |