LlGC Llsgr. 3035 (Mostyn 116) – tudalen 133r
Brut y Brenhinoedd
133r
ynys. prydein. heb y diffodi y·rydunt vn amser. A gỽedy dy+
fot a·ỽstin megys y dywespỽyt uchot. ef a|gafas
yn ran y brytanyeit archescob a|seith esco·baỽt yn
gadan* o egluryon breladeit crefydus glan vchedaỽl*
a|ỻawer o vanachlogoed y·n|y rei yd oedynt ken+
ueinoed y duỽ yn kynhal vnyaỽn reol ac vrdas.
Ac ym|plith y|rei hynẏ yn dinas bangor yd oed va+
nachlaỽc vonhedic yn yr hon y dywedit bot y ve+
int hon o gofent gỽedy y renhit yn seith ran y
bydei trychant mynach ym pop ran. sef oed eiryf
hyny oỻ ygyt. kant a dỽy vil y·gyt a|e phrioreit
a|r preladeit. A oed yn ossodedic vdunt A hyny oỻ yn
buchedu o lafur y|dỽylaỽ. A|dunaỽt yn abat arna+
dunt. gỽr enryfed y|dysc oed hỽnnỽ yn|y keluydodeu
a|r dunaỽt hỽnỽ pan geissaỽd aỽstin darystygedi+
gaeth y|gan yr escyb idaỽ ef Ac anoc udunt pre+
gethu ygyt ac ef y|r saeson. Ynteu a|dangosses
drỽy amryfayỻyon argumenheu ac aỽdurdodeu yr
yscrythur lan hyt na dylyynt ỽy darestỽg idaỽ eff. ka+
nys archescob a oed vdunt e|hunein a bot kenedyl y
saesson yn dỽyn tref eu tat y arnadunt y dreis Ac
ỽrth hẏnẏ diruaỽr gas oed yrydunt Ac ny dylyynt
dodi messur ar eu cret na chyt·ymdeithoccau ac ỽynt.
am dim mỽy noc a|r kỽn Ac ỽrth hyny edelflet bren+
hin keint pan welas ef ẏ brẏtanẏeit heb ufẏdhau
y|aỽstin ac yn tremygu y bregeth. hagyr vu gantaỽ
hẏnẏ Ac anoc a|wnaeth y edelflet vrenhin yscotlont
ac y|r brenhined ereiỻ bychein o|r saeson kynuỻaỽ
ỻu a|dyfot y·gyt ac ef hyt yn dinas bangor y|dial
ar dunaỽt ac ar yr yscolheigon ereiỻ y·gyt ac ef
| « p 132v | p 133v » |