LlGC Llsgr. Peniarth 11 – tudalen 149r
Ystoriau Saint Greal
149r
geraus y geissyaỽ y cledyf y ỻas penn Jeuan vedydyỽr ac ef. Gỽir
a|dywedy arglỽyd heb·y gỽalchmei. Os da gan duỽ heb y bren+
hin nyt ey di odyma hyt ym|penn y vlỽydyn. Arglỽyd heb+
y gỽalchmei ny wney di hynny a|mi. Gwnaf myn vyng|cr+
et heb y brenhin. ac ar hynny peri diaruv gỽalchmei. ac
odyna|dỽyn diỻat tec idaỽ o|e gỽisgaỽ. a|e anrydedu yn vaỽr.
Eissyoes nyt oed esmwyth gan walch·mei dim o hynny. a
govyn a|oruc pa ystyr oed o|e attal ef ueỻy. a vnben heb y
brenhin mi a|wnn y keffy di y cledyf. a|gỽedy hynny y fford
y fford araỻ yd ey. Arglỽyd heb·y gỽalchmei o|r myn duỽ y|my+
vi y gael mi a|deuaf fford yma. Gan hynny heb ef mimeu*
a|th oỻyngaf di. kanys nyt oes dim yn|yr holl vyt kyn hoffet
gennyf y welet ac ef. Y nos honno y bu walchmei yno a|thranno+
eth ef a|edewis y wlat drỽy diruaỽr lewenyd. ac a gerdaỽd parth
a thir brenhin gorgeraus. ac a doeth y fforest. ac adaỽ honno
a|wnaeth. a marchogaeth yny welei dy meudỽy. a|r meudỽy
yn wr prudlwyt. yr hỽnn a ovynnaỽd idaỽ pa|le yd aei. Arglỽyd
heb·y gỽalchmei y tir brenhin gorgeraus. ac ae honn y fford.
Je heb y meudỽy. A ỻawer marchaỽc a|weleis yn mynet fford
yna ac ny weleis yr vn yn dyuot. ae|peỻ hynny heb·y gỽalchmei.
arglỽyd heb y meudỽy y tir ef yssyd agos. eissyoes peỻ yỽ y
gasteỻ ef. y·gyt a|r meudỽy y bu walchmei y nos honno. A|thran+
noeth gỽedy offeren ef a gychwynnaỽd ymeith. ac a varchockaaỽd
yny doeth y lys y gỽrda hỽnnỽ. ac ef a|glywei y bobyl o|r ỻys
honno yn griduan ac yn kỽynaỽ. ac ar|hynny nachaf varcha+
ỽc yn kyfaruot ac ef. Arglỽyd heb·y gỽalmei paham y gỽna
| « p 148v | p 149v » |