LlGC Llsgr. Peniarth 11 – tudalen 205r

P aredur yna a|dywaỽt ỽrth y marchaỽc cachyat. Myn vyng

cret i heb ef y|mae dy angheu ditheu yn ehegyr ony deuy gyt

a|mi. Ac yna paredur a|e gyrraỽd geyr y vronn bei drỽc bei da gan+

thaỽ. ac ny cherdassant haeach yny glywynt ỻef dỽy wraged yn

gweidi ac yn gỽediaỽ duỽ. ar anuon nerth yn ehegyr udunt yna

paredur a|doeth tu ac yno ef a|e varchaỽc. ac arganuot marcha+

ỽc yn aruaỽc yn gyrru dỽy vorwyn ieueinc o|e vlaen yn amharch+

us a|e gỽaỻt yngkylch eu hysgỽydeu. ac yn|y dwylaỽ yd oed gỽieil

maỽr yn eu kuraỽ. yny yttoed eu gỽaet yn ffrydyeu o|e|hỽynebeu

y|r ỻaỽr. A vnbenn heb·y paredur beth a|holy di y|r morynyon hynn.

ry vileinyeid yd|ỽyt yn eu kyweiryaỽ. O achaỽs heb y marchaỽc

vyn|didreftadu ohonunt o|gyuanned a|oed ym yn|y fforest honn

yr hỽnn a|roes gỽalchmei udunt. Yna y|morynyon a erchis naỽd

paredur yr|duỽ. ac a|dywedassant panyỽ herỽr oed ef. ac nat oed

yr vn yn|y fforest onyt efo e|hunan. a|r ỻeiỻ oỻ gỽalchmei a|laỽnslot

a|e|ỻadassant. ac o achaỽs y tlodi a|welsant ỽy arnam ni yn an cas+

teỻ tlaỽt y rodassant ỽy yni y tei a|r trysor a enniỻassant ar|yr|her+

wyr. ac am hynny arglỽyd y mae ef yn mynet a|ninneu y|n|ỻad.

A vnbenn heb·y paredur goỻỽng y morynyon ymeith a mi a|ỽnn

eu bot yn dywedut gỽir. kanys yd oedỽn i y|m ỻe pan roet y kyuan+

ned hỽnnỽ udunt. Gan hynny heb y marchaỽc. ti a|nertheist o

distriỽ vyng|kenedyl i. ac am hynny ym·amdiffyn ragof os geỻy.

Och arglỽyd heb y marchaỽc cachyat py thaỽr ytti beth a|dywetto

ef. a|cherda dy fford. a minneu y|m|fford inneu. Nac ef heb·y paredur

ti a|nerthey y morynnyon yn gyntaf. Myn vyng|cret i heb y mar+

chaỽc cachyat ny nerthaf i yr|vn ohonunt ỽy. Tydi varchaỽc ~