LlGC Llsgr. Peniarth 11 – tudalen 223r

ac yn|y byt hỽnn. Ac ar|hynny goỻỽng dagreu ar hyt y wy+

neb a|wnaeth ef. ac yr|pan vuassei varchaỽc urdaỽl med y kyua+

rỽydyt nyt wylaỽd yr gouit o|r a vu arnaỽ hyt yr aỽr|honno. ac  ̷

vnweith araỻ. ac yna ef a gymerth teir dalen o lysseu. ac a|e

kymunaỽd e|hun. ac a ymorchynnaỽd* y duỽ. ac odyna ef a os+

tyngaỽd y benn a|e wdỽf. a|r marchaỽc a|ossodes arnaỽ. A

phan|gigleu ef y dyrnaỽt yn|disgynnu ar y vynỽgyl. ef a dros  ̷+

ses y benn. a|r vỽyaỻ a gerdaỽd heibyaỽ hyt y ỻaỽr. Ac yna

y marchaỽc a|dywaỽt ỽrthaỽ. Nyt ueỻy arglwyd heb ef y gỽ+

naeth vy mraỽt i yr|hỽnn y|ỻedeist di y benn ef. namyn daly

yn|digyffro y benn a|e vynỽgyl. ac ueỻy y byd reit y titheu.

A C ar|hynny nachaf dỽy vorynyon ieueinc yn gostỽng

eu penneu drỽy ffenestyr ar y neuad. ac yn adnabot laỽ+

nslot. a megys y bydei y marchaỽc yn gossot yr eil dyrnaỽt

arnaỽ. vn o|r morynyon a|dywaỽt ỽrthaỽ. Os vyng|caryat i a

vynny di y gael vyth goỻỽng y marchaỽc hỽnnỽ yn ryd. Ac

o·ny wney hynny. ti a ffeilyeist ar vy|ngharyat i. Ar hynny y

marchaỽc a daflaỽd y vỽyaỻ o|e|laỽ. ac a|erchis naỽd y laỽnslot.

am a|wnaethost ti a|e|keffy yn ỻawen heb·y laỽnslot. vy mod a|m

naỽd|yr na|m ỻedych. Na|ladaf heb ynteu namyn y|th gann+

horthỽy y bydaf ym|pob|ỻe ar y bych ditheu. kyt ỻedych di vym

mraỽt i. Y morynnyon a|doethant o|r ỻe yr|oedynt hyt att laỽnslot.

arglỽyd heb y morynnyon ni a|dylyem|dy garu di yn vỽy no

neb o|r byt. a nyni arglỽyd heb ỽynt yỽ y dỽy chwiored a|wele+

ist di yn|y casteỻ tlaỽt yn|y ỻe y buost di ti a|gỽalchmei nosswe+

ith. pan rodassaỽc ym y|da a|enniỻassaỽch y gan y|ỻadron. pan