LlGC Llsgr. Peniarth 11 – tudalen 40v
Ystoriau Saint Greal
40v
ac yna y|r|fforest y kyrchaỽd hi. Ac ny bu hir y bu hi yno heb
dyuot a|march tec kyn|duet a|r|mỽyar. ac ef a|vu aruthur
gan beredur edrych arnaỽ. yr hynny ual kynt ef a|vu gyn
hyet a mynet arnaỽ. ac a|gymerth y daryan. a|hitheu a|dy+
waỽt ỽrthaỽ ef. Peredur heb hi yd ỽyt ti yn mynet. ac am hynny
medylya am|dalu ym y pỽyth mal yd edeweist. Mi a|wnaf yn
ỻawen heb ef. Eglur a|goleu oed y ỻeuat. a|r march a|e|duc
ef yn enkyt bychan o|r|fforest yr|honn a|oed yndi mỽy noc
ymdeith deu|diwarnaỽt o|hyt. Ac yna ef a|doeth drỽy glynn
maỽr. ac adaỽ hỽnnỽ heuyt a|wnaeth ef yn ennyt bychan.
A|gỽedy hynny ef a|doeth y avon vaỽr aruthur. a|r march
heb ohir a vynnassei vynet y|r auon pan|y ỻesteiryaỽd ef. ac
am na|weles na phont na|fford y gaỻei vynet trỽydi. ef a|vedy+
lyaỽd oỻỽng y march y novyaỽ drỽydi. Ac yna ef a|dyrchafaỽd
y laỽ ac a ymgroesses. A|phan gigleu y peth budyr arỽyd y groc
arnaỽ. rac y drymhet ef a|syrthyaỽd. ac megys yn ymgreiny+
aỽ ef a|edewis peredur ar y tir. ac ynteu a|drewis y|dỽy·vronn
yn|y dỽfyr dan lefein ac vdaỽ. Ac|yr|aỽr yd aeth ef y|r avon ef a
welei beredur yr avon yn ỻosgi yn vn fflam. Pan weles peredur
yr antur hỽnnỽ ef a|wybu mae y kythreul a|oed yn|keissyaỽ
y sommi. yna ef a ymgroesses ac a|erchis y duỽ y|gadỽ rac syr+
thyaỽ y|myỽn profedigaetheu y bei idaỽ gyfyrgoỻedigaeth
o|e eneit na|choỻi kedymdeithyas etholedigyon nef oc eu
hachaỽs. Ac yn|wir ytti pany bei ymgroessi ohonaỽ ef. ef a|e
dugassei y gỽas|drỽc ef y|r|dỽfyr yn|y|ỻe y coỻassei y eneit a|e ~
gorff. Ac yna dyuot y ỽrth y dỽfyr a|oruc ef. a|gostỽng ar|benn
y linyeu
| « p 40r | p 41r » |