LlGC Llsgr. Peniarth 18 – tudalen 67r
Brut y Tywysogion
67r
ỽyssaỽc hynny kynnullaỽ llu holl gymry a|ỽnaeth
y|ymlad ar castell. A gỽedy dyuot yno ef a|e lu y|ro+
des y|castellỽyr idaỽ y|castell. A gỽedy rydhav ohonaỽ
y|kennadeu y llosces y|castell ac y distryỽaỽd hyt y
llaỽr. Ac odyna y|goresgynnaỽd holl gyuoeth grufud
ap gỽenỽynỽyn hep ỽrthỽynep. Ac y gossodes y sỽy+
dogyon e|hun yn|yr holl gyuoeth. Yn|y vlỽydynn
honno y|bu kyfneỽit deu gymỽt rỽg kynan a rys
vychan. Ac y|deuth pennarth y|gynan. Ar kymỽt
perued y|rys vychan. Yn|y ulỽydyn racỽynep ychy+
dic kynn ieu kyfachauel y|gossodes edỽart vrenhin
kỽnsli yn llundein. Ac yna y|gossodes gossodedigaeth+
eu neỽyd yn|yr holl teyrnnas. Yn|y vlỽydyn honno
yn|y pymthecuettyd o aỽst y|bu varỽ yỽein ap ma+
redud ap yỽein. Ac y|cladỽyt yn|ystrat|flur yn|y
cabidyldy y|myneich ger llaỽ y|tat. Yn|y vlỽydyn
honno am·gylch gỽyl veir ymedi y|deuth edỽart
vrenhin o lundein hyt yg|kaer lleon. Ac y|dyfyn+
naỽd attaỽ lyỽelyn tyỽyssaỽc y|ỽneuthur idaỽ ỽro+
gaeth. Ar tyỽyssaỽc a|dyfynnaỽd attaỽ yntev
holl varỽneit kymry. Ac o gyffredin gyghor nyt
aeth at y|brenhin. o achos vot y brenhin yn kyn+
hal y|ffoodron ef. nyt amgen dauid ap grufud. A grufud
ap gỽenỽynỽyn. Ac o|r achos hỽnnỽ yd ymhoela+
ỽd y|brenhin yn llidyaỽc y loeger. Ac yd ymhoel+
aỽd llywelyn y|gymry. Yn|y vlỽydyn honno yr ỽythuet.
| « p 66v | p 67v » |