LlGC Llsgr. Peniarth 190 – tudalen 1
Ystoria Lucidar
1
G *weithret y ỻyuyr hỽnn a|berthyn
ar dỽy berson. nyt amgen. ar dis+
gybyl yn govyn. ac ar athro yn atteb. a|r
disgybyl a|dywaỽt ual hynn. Discipulus O dydi
glotuorussaf athro mi a archaf ytti at+
teb ymi yn|dilesc ar a ovynnaf i ytti ar
enryded y duỽ a|r eglỽys. a|ỻes y uinneu.
Y meistyr a|dywaỽt. Magister Mi a|e gỽnaf herỽ+
yd ual y gaỻỽyf. ac ual na orthrymo. y
ỻafur hỽnn vyui. discipulus Ef a|dywedir na
wyr neb beth yỽ duỽ. ac a welir ynni bot
yn|dywyỻ adoli o·honam yr hỽnn ny|s
gỽdam. ac ỽrth hynny ohonaỽ ef y dech+
reuwn ni. Ac yn gyntaf dim. dywet ti ymi
beth yỽ duỽ. Magister Mi a|e dywedaf ytt herỽyd
y mae kennat y dyn y wybot. Y ryỽ aỻu
ysprydaỽl yỽ duỽ. kymeint y hynaỽster a|e
thegỽch ac y damuna yr engylyon y|rei yss+
syd yn wastat degach seith weith no|r he+
ul. edrych vyth yn wastat arnaw heb
orffowys. Pa furyf y dyeỻir y drindawt yn
The text Ystoria Lucidar starts on line 1.
| p 2 » |