LlGC Llsgr. Peniarth 190 – tudalen 157
Ystoria Lucidar
157
a|dywedeis i. ytti. a mỽy no hynny heuyt
ỽynt a|e kaffant. discipulus O aỻu y seint. Magister Amlet
kyuoeth a|gaỻu alexander a vydei gyvyng+
dỽr a goual ganthunt ỽy. kanys kymeint
vyd eu medyant ac y gaỻant wneuthur nef
newyd a daear newyd os mynnant. kanys
meibyon duỽ ynt. a|chytetiuedyon y grist.
gỽrth·dỽyweu ynt. ỽynt a aỻant bop peth
o|r a|vynnont. discipulus Paham na wnant ỽynteu
nef araỻ. Magister|Nyt edewis duỽ dim yn ang+
kỽbyl. pan wnaeth yn gyfyaỽn ac yn berffe+
ith o vessur a rif a phỽys. a phei gỽnelynt
ỽy nef araỻ. gormod vydei hynny. a|ỻaw+
er peth a aỻỽn ni y wneuthur ac ny|s gỽna+
ỽn. megys ỻamu neu redec. a hynny a gre+
dir y aỻu o|r ebystyl. ac o|r seint uchaf. am+
heu heuyt yỽ o channatteir ynni vuchedoc+
cau yn eu gỽassaneth ỽy. ac am y rei gỽiri+
on oỻ y dywedir. Wynt a|vydant gyffelyb y|r
engylyon. Megys weithon pei delei vrenhin
heibyaỽ. a|gỽelet ohonaỽ dyn gỽann yn|y
dom yn gorwed. a|pheri y drychafel a|e olchi
| « p 156 | p 158 » |