LlGC Llsgr. Peniarth 190 – tudalen 194
Ymborth yr Enaid
194
wyry. ac herỽyd hynny yn braỽt ni ˄yỽ ef
kyt boet duỽ dat yn|dat ynn. a|r ys+
pryt glan yn dat·maeth ynn. kanys y
garyat ef yỽ ymborth yn eneidyeu ni. Ac
veỻy y dywetpỽyt y|r braỽt yn|y vreudỽ+
yt. Kanys mal yd oed neb·vn vraỽt o
gredyf y brodyr pregethwyr yn|y benyt.
ac yn|dodi y hoỻ obeith yn|y drindaỽt o|r
nef. a hoỻ ewyỻys y gaỻon yn gnottau
yn|y vedỽl yn vynych. cussanu traet pob vn
o|r teir person ar neiỻtu. yn vn wed a|phei
beynt gyndrycholyon rỽng y dỽylaỽ. Ac
yn hynny dydgeith* y boredyd yn|y varỽ+
hun. ef a|glywei lef arafber garueiddlos
yn dywedut ỽrthaỽ ual|hynn. Da iaỽn
y gỽney di an karu ni bop person ar neiỻ+
tu. ac eissyoes kanys anhaỽd yỽ ytti deaỻ
traet y tat. neu yr yspryt glan. na|e hadna+
bot ỽrth hynny ymdiriona di a|r mab yn
garedic ac ymgar ac ef. Kanys o·honaỽch
| « p 193 | p 195 » |