LlGC Llsgr. Peniarth 190 – tudalen 42
Ystoria Lucidar
42
corff crist yỽ. a|gỽedy y traỻaỽt a|odefo hi
yma gan yr anticrist. ef a|gredir idaỽ dyd+
braỽt ym·penn y deugein nieu. Ac yd esgyn
paỽp y|r nef. discipulus|Pa vod yd eiryaỽl ef ar y dat
drossom ni. Magister Gan dangos y|diodeifyeint
yn|wastat. discipulus Paham nat anuones ef yr ys+
pryt glan. ym·penn y deugein nieu. Magister O dri
achaỽs. kyntaf vu. o ymgyweiraỽ o|r ebystyl
o|wedieu erbyn y dyuot ef. Yr eil vu y|dan+
gos mae y neb a|gỽplaei gorchymynneu crist
a|gymerynt yr yspryt glan. Trydyd vu. me+
gys y rodet dedyf caryat y bobyl duỽ ym+
penn y deng|nieu a deugeint gỽedy eu ryd+
hau o|r eifft. veỻy kymeint a|hynny o amser
pobyl gret. y rydit a goỻassynt ar dref eu
tat ym paradỽys gỽedy kyuodi crist. discipulus a
ydiw ef yn|y gyflaỽn lewenyd yr aỽr honn
yng|crist. Magister|O beth y mae. o beth araỻ nyt
ydiỽ. herỽyd y berson e|hun y mae idaỽ
yn gyflaỽn. herỽyd yr eglỽys yr honn ys+
syd gorff idaỽ. nyt ydiỽ. kanyt yttynt o
| « p 41 | p 43 » |