LlGC Llsgr. Peniarth 31 – tudalen 21r
Llyfr Blegywryd
21r
trymet y golli ef ac adaỽ y gyfflauan a ỽna+
ethoed ar y genedyc* a goruot y thalu.
Pỽy bynhac a watto llad dyn y myỽn llỽ;
rodet lỽ degwyr a deugeint a thalet wheugeint.
Y neb a ỽnel kynllỽyn talet dirỽy deu·dyblyc
yr brenhin. a gwerth y dyn yn deu·dyblyc a
tal yr genedyl. herwyd breint y dyn.
O Naỽ affeith tan kyntaf yỽ rodi kyghor
y losgi. Eil yỽ duunaỽ ar neb a losco.
Trydyd yỽ mynet ygkedymdeithas y neb a los+
go hyt y lle y llosger. Petweryd yỽ ymdỽyn
y rỽyll. Pymet yỽ llad y tan. Whechet yỽ ke+
issaỽ dylỽyf. Seithuet yỽ chwyth·u y tan hy+
ny enynho. ỽythuet yỽ rodi y tan yr neb a|los+
go ac ef. Naỽuet yỽ etrych y llosc gan y odef.
Pỽy bynhac a watto vn o|r affeitheu hyn; ro+
det lỽ degwyr a deugeint. Y neb a|latho tan
neu a|e whytho hyny enynho. neu a rodho
tan yr neb a losco ac ef. hanher y collet a|ỽ+
nel y tan a|tal. ar hanher arall a disgyn
ar y neb a dotto tan y myỽn yr hyn a loscer.
A hỽnnỽ yỽ cỽbyl weithret llosc. Ac ony
byd neb arall yn affeithaỽl gyt ac ef. ta+
let e|hunan oll y collet a del o|r llosc hỽnnỽ
| « p 20v | p 21v » |