LlGC Llsgr. Peniarth 32 (Y Llyfr Teg) – tudalen 146
Llyfr Iorwerth
146
ymadawho a|e deleitrỽyd. Sten brid. Costrel. ỻu+
ric. penfestin. helym. Modrỽy. kae. Breichrỽy.
Claỽr taỽlbort. Kynnỽgyl. a phop peth ny bo
gỽerth kyfreith. arnaỽ. y am y rei hynny; damdỽg
a geffir amdanadunt. Cỽt; dỽy geinhaỽc. kyfreith.
a|dal. Kicdysgyl. a|dysgyl araỻ. Gogyr. Ridyỻ.
kaboluaen. Noe. kaweỻ teilaỽ. Berỽa. keinhaỽc
kyfreith. a|dal pob vn onadunt. Raff vleỽ o deudec
kyuelur. keinhaỽc kyfreith. a|dal. Raff lỽyf o deudec
kyuelin; keinhaỽc kotta a|dal. Torch milgi
brenhin; ỽyth keinhawc. a|dal. Torch milgi uchelỽr pede+
ir keinhawc. kyfreith. Kynỻyuan milgi brenhin; pedeir kein+
haỽc kyfreith. Kynỻyuan milgi uchelỽr; dỽy keinhawc.
kyfreith. Kynỻyuan olreat; ỽyth keinhawc. Honffest. a
geuyn. pedeir ar|hugeint pob vn. Gleissadec;
pedeir ar|hugeint. Penỻỽydec; vn ar bymthec.
Gaulaỽec; ỽyth keinhaỽc. Carr. Eikaỽl.
strodur. Breki. kafyn. dỽy geinhaỽc kyfreith. ar|bop
vn. Prenyal gỽedes; pedeir ar|hugeint. y pei+
thyneu a|r cloryeu. chwech keinhawc. y karuaneu a|r
troeỻeu; chwech keinhawc. a|r traean ar y troeỻeu. Y
brỽydeu. chỽech keinhawc. Offer gof; chỽeugeint.
Einaỽn vaỽr; trugeint. Einaỽn gyrryaỽc;
ỽyth keinhawc. Y megineu; ỽyth keinhawc. Geuel; pedeir keinhawc.
kyfreith. kythraỽl; pedeir keinhawc. kyfreith. Kamec; pedeir keinhawc. kyfreith.
Kỽysyỻt. a breuanỻif. a threoryt. a haearn·ỻif.
| « p 145 | p 147 » |