LlGC Llsgr. Peniarth 33 – tudalen 11
Llyfr Blegywryd
11
NAỽd sỽẏdỽr llẏs ẏỽ; o|r pan dech+
reuho ranu ẏ|bỽẏt hẏt pan gaffo
ẏ|diwetha ẏ|uỽẏt. NAỽd ẏ coc ẏỽ;
o|r pan dechreuho troi ẏ|golỽẏth kẏn+
taff hẏt pan dotter ẏ|diwetha gyr
bron ẏ|brenhin a|r vrenhines. NA+
ỽd. ẏ|troedaỽc ẏỽ; o|r pan dechreuho
eisted dan traet ẏ|brenhin y|ouỽẏ ̷
claf hẏt pan del ẏ|r llẏs drache+
uen NAỽd gỽastraỽt brenhines
ẏỽ; kẏffelẏb ẏ|naud gỽastraỽt auỽ ̷+
ẏn brenhin NAỽd ẏ kẏnnudỽr
ẏỽ; hẏt ẏ|ỻe pellaf ẏ|del ẏ|gẏnnut+
ta. a chẏmeint ac a allo ẏ|uỽrỽ a|e
vdyf Y|kynnuttei a|r porthaỽr. ẏnt
o|rif ẏ|petwar sỽẏdogẏon ar|hugeint
Kynn no hyn y|dẏwetpỽẏt am|no+
duaeu ẏ|petwar sỽydogẏon ar|hu+
geint. pỽẏ|bẏnnac ohonnunt y|tor+
her ẏ|naỽd neut sarhaet idaỽ. ~
O|medẏginaetha ẏ|medic llẏs neb
vn brathedic o|wyr ẏ|llẏs hẏt pan
vo iach. y|waetwisc a
geiff ef. a|r|tudedẏn uchaf y|r
brenhin pan ẏmwelho gẏntaf ac
| « p 10 | p 12 » |