LlGC Llsgr. Peniarth 33 – tudalen 163
Llyfr Blegywryd
163
fflemaỽr; Trẏdẏd ẏỽ; dẏn a|latho
kelein kẏỽlat ac ef. ~ ~ ~ ~ ~ ~
P wẏ|bẏnnac a|torho not ar
ffin ẏrỽg deu|tir neu ẏ+
rỽg dỽẏ tref; talet gamlỽrỽ
ẏ|r brenhin. A phedeir kein+
naỽc kẏureith ẏ|r perchen.
A|gwnaet ẏ|not mal ẏ|bu gẏ+
nt. Os avon a|vẏd not ẏrỽg
tired deudẏn; A dẏgwẏdaỽ der+
wẏn ar|draỽs ẏr avon. perch ̷+
en ẏ|tir ẏ|tẏuo ẏ|pren ohon ̷ ̷+
naỽ bieiuẏd ẏ|prenn ac a ̷ ̷
berthyn y|wrthaỽ Y neb a ̷
aardho prifford. neu ffos ar
fun*; talet wheugeint ẏ|r ̷ ̷
brenhin Gwahardadỽẏ ẏỽ
ẏ coet am|ẏ ffrỽẏtheu o|r pẏm+
hettẏd kẏnn gỽẏl vẏhangel
hẏt ẏm pẏmtheccuettẏd gỽedẏ
ẏstwẏll Ac o|r moch a|gaffer
ẏnn|ẏ coet llather ẏ|decuet o+
honunt hẏt naỽ. Ac odẏna
llather bop vn hẏt ẏ|diwethaf
| « p 162 | p 164 » |