LlGC Llsgr. Peniarth 33 – tudalen 40
Llyfr Blegywryd
40
honno vẏth gỽedẏ hẏnny. kynn bo cam
ẏ varn. Yn gyffelẏb ẏ|hẏnny ot ẏmỽ+
ẏstla ef ẏn amsseraỽl. ac nat ẏmỽys ̷+
tlo ẏ|braỽdỽr ac ef. ẏ varnn a|dẏgwẏd.
H Yt ẏma ẏ|dẏwet·pỽẏt o sỽẏdo+
gẏon llẏs ẏ|brenhin. ac eu kẏ+
fureitheu. rac llaỽ ẏ|dẏwedir
o|swẏdogẏon kẏ ffredin ẏssẏd rỽg
arglỽẏd a|e wlat; Pẏmp sỽẏdogẏon
a|ossodes y|brenhin ẏmpob llẏs o|r wat*
ẏg gỽẏned. a|phwẏs. nẏt amgen.
Maer. kẏgkellaỽr. righẏll. Offeirat ẏ
ysgriuenu dadleuoed. Ac vn braỽdỽr ̷
trỽy sỽẏd. A|phetwar megẏ* ẏr rei kẏn*+
taff ẏm·pob llẏs ẏn deuheubarth. A.
lliaws o|vrawdwẏr. nẏt amgen no.
phob perchen tir. megẏs ẏd|oedẏnt
kẏnn hẏwel da. o|vreint tir heb sỽẏd.
O|hẏnn allann ẏ treithir o gẏfreitheu
ẏ|wlat. a|r sỽẏdogẏon dẏwededic; Ac ẏn
gẏntaf o|teir colofẏn kẏureith ẏ|dywe+
dir. Galanas a|e naỽ haffeitheu. Tan.
a|e naỽ haffeitheu;. Lletrat. a|e naỽ haff+
eitheu; Galanas ẏỽ; llad dẏn. ỻedrad
| « p 39 | p 41 » |