LlGC Llsgr. Peniarth 33 – tudalen 59
Llyfr Blegywryd
59
vẏd marw. a|r mach ẏn|vẏw; dẏget
ẏ mach ẏ|vechni ẏn gẏffelẏb ẏ|hẏnnẏ
gan tẏgu e|hun ar|ved ẏ kẏnnogẏn. ac
ẏ|teir ach nessaf ẏ|r|talaỽdẏr a|talant
ẏ|dẏlẏet onnẏt enwis ẏ|kẏnnogẏn
gẏmẏn dros ẏ|dẏlẏet Kẏt dẏcco ̷
mach ẏ|vechni ẏn erbẏn llud ẏ arglỽ+
ẏd; nẏ|chẏll ẏr hẏnnẏ na|dirỽ·ẏ| na cham ̷+
lỽrỽ o|gẏffirich*. Nẏ|dẏlẏ neb rodi
alltut ẏn vach. a|r neb a|uo kadarnach
noc ef na|mẏnach heb gannat ẏ abbat
nac ẏscolheic ẏscob heb gannat ẏ|ath ̷+
ro. na gỽreic onnẏt arglỽẏdes ẏ|talaỽ ̷+
dẏr. na mab heb gannat ẏ|tat. tra dẏ+
lẏho vot drostaỽ. kẏt el ẏ|rei hẏnnẏ
ẏn|veicheu nẏ|dẏlẏir kẏmell mechni
neb ohonunt Tri lle ẏd ẏmdiueicha
mach kẏuadef. am dẏlẏet agkẏuadef
vn ẏỽ. o|diwat o|r talaỽdẏr ẏ|mach; Eil
ẏỽ; o|gaffel tẏstolẏaeth o|vn o|r kẏnnẏ ̷+
gẏn ar|ẏ|gilẏd trỽẏ ẏmhaỽl ẏn|lẏs; Trẏ ̷+
dẏd ẏỽ; o|ỻẏssu o|vn tẏston ẏ|gylid ẏ ̷
mẏỽn llẏs Tri pheth nẏ henẏt* o ̷
vechni; agheu. a|chleuẏt. a|charchar.
| « p 58 | p 60 » |