Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 63

Llyfr Blegywryd

63

keinnaỽc. A thelẏn vchelỽr; trugeint
a|tal; A|e chẏwerigorn*;  pedeir keinnaỽc
kyfureith. Tri pheth nẏt rẏd ẏ|vi+
laein eu gverthu heb gannat ẏ arglỽ+
ẏd; march a|e voch. a|e vel. Os gỽrth+
ẏt ẏ|arglỽẏd gẏsseuin; gỽerthet ẏn+
teu ẏ|neb ẏ|mẏnho. Teir keluẏdẏt
ny eill taẏaỽc eu dẏscu ẏ|vab. heb gan+
nat ẏ|arglỽẏd; ẏscolheictaỽt. A|gouan+
ẏaeth; A|bardoniaeth; kannẏs o|diodef
ẏr arglỽẏd hẏt pan rother corun ẏ|r ẏs+
colheic. neu ẏnnẏ el gof ẏn|ẏ eueil.
neu vard ỽrth gerd. nẏ|dichaỽnn.
eu keithiwaw gỽedẏ hẏnnẏ Teir
kẏflauan os gwna dẏn ẏnn|ẏ wlat
ẏ|dẏlẏ ẏ vab colli tref ẏ|tat o|hachaỽs
o|gẏfreith. Llad ẏ|arglỽẏd; A|llad ẏ
benkenedẏ*.  A|llad ẏ|teisban|dẏle. rac
trymhet ẏ|kẏflauaneu hẏnnẏ.
Tri anhebcor brenhin ẏnt; ẏ offei+
rat ẏ|ganu ẏ offeren. ac ẏ|bendigaỽ  ̷
ẏ|uỽẏt a|e lẏn. A|e vraỽdỽr ẏ varnu
bordyeu*.  ac ẏ|rodi kẏghoreu. A|e teu  ̷ ̷+
lu ỽrth wneuthur negesseu ẏ|brenhin