LlGC Llsgr. Peniarth 35 – tudalen 60r
Llyfr Cynghawsedd
60r
enteỽ y em kehedu a breynt er haulur neỽ enteỽ
keyssaỽ bot en uch e| ỽreynt. Os kehedet ỽedant
aet er haulur a dangosset y haul a|y terỽyn tu
ar parth er amdifenur eythyr na del dros try
argae teruyn. Sef eỽ henne priodolder o ỽor
hyt ỽenyd a| randyr a keuaned a gỽedy henne
dangosset er amdiffenur y terỽyn enteỽ a|y war+
chadu. ac nat aet enteỽ ar er haulur dros try
argae teruyn a deget pob ỽn onadunt ac eỽ
llu hyt pan eỽ er hun a| dangossant en eỽ ter+
ỽyn. ac guedy henne aent henỽyreyt e cem+
ut e edrych pỽy yssyt ar er Jaun onadunt
ac o guybit henỽyreyt e cemỽt pỽy yssyt ar
Jaun onadunt barner ydau y terỽyn a|y a+
chub. ac ony ỽbydant pỽy Jaunaf onadunt
aet er egneit allan a barnent er haul hon+
no en kyfreith kehedet a ranhent en deỽ hanner
er amresson a llena e trydyd lle e ran kyfreith. O
deruyd e| den menỽ terỽenu ar arall a| dewe+
dut ohonau bot y ỽreynt ydau terỽenu ena
a bot ydau dyganu a gatỽo henne ar kehyt
ac a| deweyt. Os adef a guna er amdifenur
barner er haul er haulur. Os guadu a gu+
na er amdiffenur Jaun eỽ muynhau ke+
ytweit er haulur. ac o| ffenant Jaun eỽ ga+
du e| breynt a|y terỽyn y n er amdy
| « p 59v | p 60v » |