LlGC Llsgr. Peniarth 36A – tudalen 46r
Llyfr Blegywryd
46r
eu dỽyn ym plith aniueileit clafỽr. nac
y ty y bei aniueileit clafỽr yndaỽ seith
mlyned kyn no hynny. Y neb a latho
aneueil dyn arall yn| y vuarth yn lletrat
a hynny yn honneit. talet yn deudylyc*.
ac os gỽatta; gỽadet ar y petwyryd ar
hugeint oe gyfnesseifeit. Y neb a gyme+
ro a·bo llỽdyn dyn arall heb y ganhat.
talet drostaỽ lỽdyn arall vn ryỽ ac ef.
a thri buhyn camlỽrỽ yr brenhin.
Y neb a gylello* aneueil marỽ dyn ar ̷+
all; talet anefeil vn ryỽ ac ef drostaỽ
a their bu camlỽrỽ yr brenhin
Gỽerth ebaỽl or pan anher hyt aỽst;
pedeir keinhaỽc kyfreith yỽ. hyt
racuyr; deudec keinhaỽc. hyt galan whef+
raỽr; deu·naỽ a tal. hyt galan mei; pedeir
ar| hugeint. hyt aỽst; dec ar| hugeint.
hyt whefraỽr; dỽy a deu vgeint. hyt
aỽst trugeint. kanys deudec keinhaỽc
a drycheif arnaỽ yna. a deudec he+
uyt o pob tymor hyt galan mei. Ac
| « p 45v | p 46v » |