Breudwd Rhyddiaith Gymraeg 1300-1425
English

LlGC Llsgr. Peniarth 37 – tudalen 33r

Llyfr Cyfnerth

33r

Kyỽ gỽyd tra uo dan esgyll Gwerth
y uam. keinaỽc. cotta a| tal. Or kyỽ gỽyd
pan el y dan esgyll y uam hyt aỽst. keinaỽc.
kyfreith. a| tal. Dyỽ aỽst. Dỽy. keinaỽc. kyfreith. a| tal. Un
werth uyd yna ae uam Gwerth hỽyat.
Gwerth hỽyat. keinaỽc. kyfreith. Gwerth iar neu
keilaỽc. keinaỽc cotta a| tal. Gwerth gay+
Gwerth gayafdy. Dec ar ugeint yỽ afdy.
gwerth y nenbrenin. A dec ar ugeint
a| tal pob forch a| gynhalo y nenbrenn. y
beinkeu ar tubyst. Ar dor. Ar gynnor.
Ar gordrysseu ar trosteu. Ar trothỽyeu
keinaỽc. kyfreith. yỽ gwerth pob un o·honunt. 
Gwerth kynhaf·dy. pedeir ar| ugeint or
byd tỽll taradyr yndaỽ. Ony byd. deu+
dec. keinaỽc. a tal. Hafdy deudec. keinaỽc. a tal. 
Forch hafdy neu kynhafdy. keinaỽc. kyfreith. Dỽy
keinaỽc. kyfreith. yỽ gwerth dorglỽyt. keinaỽc. kyfreith. yỽ gwe+
rth tollglỽyt. ~ ~